Apr 22 2003
Bloggað í 3 ár!
Þótt ótrúlegt megi virðast þá er þessi bloggsíða mín nú þriggja ára gömul. Fyrsta færslan var skrifuð 22. apríl 2000. Þá var ég á öðru ári í hagfræði útí Chicago og mig langaði að prófa að skrifa vefleiðara einsog Björgvin Ingi og Geir Freyr höfðu verið að gera í nokkrar vikur.
Ég hafði haldið úti fremur dapri heimasíðu í nokkurn tíma en mér fannst hún ekki ýkja áhugaverð, þar sem hún var nánast aldrei uppfærð. Því fannst mér vefleiðaraskrif vera sniðug hugmynd.
Ég hef allavegana enst í 3 ár og eftir mig liggja einhverjar 800 færslur, allt frá stuttum færslum um bíóferðir og djamm í upphafi til lengri pistla um pólitík núna uppá síðkastið. Síðan hefur í gegnum tíðina breyst úr því að vera dagbók á meðan ég var erlendis í námi, til þess að fjalla meira um pólitík og íþróttir og minna um mitt einkalíf.
Ég ætla nú ekkert að monta mig en það eru nú ekki margir á Íslandi, sem hafa enst jafn lengi og ég án þess að stoppa. Oft hafa uppfærslurnar dottið niður en alltaf hefur eitthvað komið til, sem hefur endurnýjað áhuga minn á þessari síðu. Ég vonast til þess að mér takist að halda uppi áhuga mínum og lesenda áfram.
6 Ummæli við færsluna “Bloggað í 3 ár!”
# - þann 22 Apr 2003 klukkan 13:57
Til hamingju með þennan árangur. Það er rétt hjá þér, það hafa ekki margir nent að gera þetta í 3 ár
# - þann 22 Apr 2003 klukkan 14:37
Eru ekki Einar Örn og Gummi Jóh kristaltærir aldursforsetar þegar kemur að samfelldum skrifum?
# - þann 22 Apr 2003 klukkan 19:32
já, tíminn líður.. til hamingju með áfangann! ég fagnaði 3. ára afmælinum mínu í bloggheiminum einmitt líka um daginn. við erum engin unglömb lengur.
# - þann 22 Apr 2003 klukkan 22:48
Geir: Án þess að vilja fara út í einhverja typpamælingakeppni, þá hef ég bloggað – án þess að hætta – síðan 4. maí 2000
# - þann 22 Apr 2003 klukkan 22:54
Nokkuð fyndið að lesa færslu nr. 2. Elian who? Einhvern veginn finnst manni mörg mörg ár síðan Elian málið kom upp. Svona er tíminn fljótur að líða
# - þann 23 Apr 2003 klukkan 9:39
Hvernig get ég gleymt “Floggermann”!
Hvenær byrjaði Gummi? Hvenær byrjaði Bjarni bre? Út með typpin takk! :biggrin: