Jul 18 2003
Dásamlegt
Bara ef að allir dagar á Íslandi væru einsog gærdagurinn, þá væri sko gaman að lifa.
Ég tók vinnuna með mér heim og var því búinn með öll verkefni um 4. Ákvað þá að fara í göngutúr (notaði stuttbuxurnar mínar í fyrsta skipti síðan ég kom heim frá USA!). Labbaði upp Hofsvallagötuna og yfir á Vesturgötu, þar sem ég kíkti í fornbókabúðina. Ég skoðaði mig um þar í smá tíma en keypti svo loks Ástin á tímum Kóleru eftir Garcia Marques (ég gafst uppá ensku þýðingunni) og Hús Andanna eftir Isabellu Allende.
Labbaði svo um bæinn og skellti mér inní Eymundson í Austurstræti. Þar ákvað ég að kaupa mér Lonely Planet bók um land, sem ég er að spá í að heimsækja seinna í sumar. Mér finnst alveg ótrúlega gaman að hanga í bókabúðum og skoða ferðabækur. Ég fæ alltaf í magann við tilhugsunina um ferðalög. Núna er ég að spá í að heimsækja borg og land, sem mig hefur dreymt um síðustu 5 árin.
Í gærkvöldi sat ég svo í góðum félagskap á Austurvelli og sötraði Tuborg. Svona á lífið að vera.
6 Ummæli við færsluna “Dásamlegt”
# - þann 18 Jul 2003 klukkan 11:11
Varstu ekki í stórglæsilegri treyju sem kennd er við LIVERPOOL, þegar þú röltir upp Hofsvallagötuna?
# - þann 18 Jul 2003 klukkan 11:38
Júbbs, æðisleg treyja!
# - þann 18 Jul 2003 klukkan 12:29
Ósköp er þetta land og þessi borg dularfullt mál
# - þann 20 Jul 2003 klukkan 22:44
Já, það er munur að geta setið utandyra (við Austurvöll í góðu veðri) og sötrað bjór. Hef ekki enn fundið stað í Boston þar sem slíkt er leyfilegt. En þar má nú ekki einu sinni kveikja í sígarettu á bar þannig að ástæðulaust er að gera sér nokkrar vonir um slíkt. Er Ísland kannski land frelsisins?
# - þann 21 Jul 2003 klukkan 9:33
HEY! Það er bannað að eyðileggja gleiðfærsluna mína með einhverju rugli um Bandaríkin!!
Það er hægt að drekka á fullt af stöðum útivið í USA. Á sumrin gat maður drukkið úti á nánast hvaða veitingastað í Chicago sem er!
Ef þig langar að drekka útivið í USA og ert í Boston, þá er náttúrulega langbest að fara á Fenway!
# - þann 21 Jul 2003 klukkan 9:58