Jun 16 2005

Góður dagur

uppfærði klukkan 16:03 í flokkinn Dagbók

« | Aðalsíða | »

Sko, í fyrsta lagi þá trúi ég því ekki enn að enginn hafi kommentað á Los Pericos færsluna mína. Ég hélt að það myndi allt flæða yfir af tölvupóstum og kommentum, þar sem mér væri þakkað fyrir að benda fólki á þessa snilld. Er fólk kannski ekki að fíla þetta? Nei, það getur ekki verið.

Allavegana, ég var búinn í vinnunni í dag klukkan hálf þrjú. Ég ákveð reyndar minn eigin vinnutíma, sem þýðir vanaleg að ég vinn lengi, en í dag var ég sáttur við að hafa klárað ákveðið verkefni og ákvað að gefa mér frí. Fór í Kringluna, keypti mér föt, borðaði Serrano og kom svo heim. Er að fara í körfubolta með vinum mínum á eftir og svo er ég með starfsmannapartý fyrir Serrano fólk í kvöld og fer svo væntanlega í bæinn á eftir. Ég verð bara einn með partýið, þar sem Emil, hinn eigandinn, er úti. Það verður fróðlegt.

Svo ætla ég í útilegu um helgina. Það er sko eins gott að það verði sól um helgina. Annars afsala ég mér ríkisborgaréttinum og sæki um pólitískt hæli í Ástralíu.

Hver verður númer 200.000 á þessari síðu? Spennan er nánast óbærileg.

7 ummæli hingað til

7 Ummæli við færsluna “Góður dagur”

  1. JBJ
    # - þann 16 Jun 2005 klukkan 16:57

    Los Pericos voru frekar slappir

  2. Einar Örn
    # - þann 16 Jun 2005 klukkan 17:30

    Usss, ekki segja svona! Þú verður bara að hlusta oftar. Fyrr eða síðar muntu uppgötva snilldina. Eða kannski þarf maður bara að vera á diskóteki á eyjunni Margaritu þegar maður heyrir þá í fyrsta sinn til að fíla þá virkilega :-)

  3. SB
    # - þann 16 Jun 2005 klukkan 20:06

    Mig langaði í kokteil, strápils og hvíta strönd þegar ég hlustaði á þetta lag :smile: Góða helgi.

  4. Matti
    # - þann 17 Jun 2005 klukkan 11:13

    Magn athugasemda er iðulega í öfugu hlutfalli við væntingar bloggara – a.m.k. er það mín reynsla :smile:

  5. Einar Örn
    # - þann 18 Jun 2005 klukkan 23:39

    Jammm, ég hef líka orðið var við það :-)

  6. Kristján Atli
    # - þann 19 Jun 2005 klukkan 15:54

    Ég held þetta tengist líka sumrinu. Hef orðið var við það síðustu ár að þótt ég bloggi alveg jafn mikið, þá nenni ég miklu minna að kommenta og gef mér almennt minni tíma til að lesa bloggsíður annarra.

    Finnst einnig sem ummælaskrif á minni eigin síðu fari niður úr öllu valdi yfir sumarmánuðina, er orðinn vanur að það sé lítið að gerast í júní-ágúst eða svo.

    Þetta er samt flott lag. Engir UB40, en Los Pericos eru samt ágætir greinilega… :smile:

  7. Einar Örn
    # - þann 19 Jun 2005 klukkan 18:15

    Jammm, sumarið er eflaust líka ástæða. Það minnkar allavegana aðsókn á þessa síðu eitthvað.