Oct 18 2005
Nokkrar myndir
Úffff, þetta eru búnir að vera erfiðir fyrstu tveir dagar á Íslandi. Allt, allt, allt of mikið stress útaf vinnu. Á svona stundum hljómar það alveg einstaklega heimskulegt að vera í tveim vinnum. Einnar vinnu stress væri alveg nóg til að gera mig hálf geðveikan akkúrat núna.
Ég á í baksi með að koma myndunum frá MIð-Ameríku í skikkanlegt lag, þannig að þangað til að það kemst í gott stand, þá ætla ég að setja hérna inn nokkrar myndir úr ferðalaginu. Ég væri alveg til í að vera kominn aftur á ströndina í Cancun í stað þess að hafa áhyggjur af vinnumálum akkúrat þessa stundina. En svona er þetta. Smellið á myndirnar til að fá stærri útgáfu
Ég uppá Volcan Izalco eldfjallinu, El Salvador, eftir tveggja tíma göngu í um 2000 metra hæð.
Bóndakona í Perquin, El Salvador, sem vildi endilega að ég tæki mynd af henni, þegar ég var að rölta meðfram stígnum rétt hjá húsinu hennar.
Ég hjá lítilli á rétt hjá smábænum Perquin, El Salvador, við landamæri Hondúras.
Tikal, Maya rústirnar í Gvatemala
Ég á ströndinni í Cancun
12 Ummæli við færsluna “Nokkrar myndir”
# - þann 18 Oct 2005 klukkan 20:43
Vá! Þessi strönd lítur ekkert smávegis girnilega út (er líka að deyja úr vinnustressi!). Flott mynd… og hinar líka, en þessi sérstaklega.
# - þann 18 Oct 2005 klukkan 21:19
Vá æðisleg strönd!! Flottar myndir, hlakka til að sjá fleiri
# - þann 19 Oct 2005 klukkan 7:14
Vá flottar myndir! Aettir ad saekja um hja National Geographic… Thott ad bondakonan hefur oerugglega haft thad erfitt i lifinu, tha litur hun samt ut eins og ad hun se hamingjusoem… Vid verstraent folk gaetum oerugglega laert sumt af henni… :blush:
# - þann 19 Oct 2005 klukkan 8:39
Jamm, hún var síbrosandi og ýkt stolt af húsinu sínu og öðru húsi, sem var hinum megin við stíginn. Þetta var á nokkuð afskekktum stað, svo líklega hafði hún ekki séð marga túrista þarna.
Og já, ströndin í Cancun er ansi mögnuð.
# - þann 19 Oct 2005 klukkan 10:31
Mér þykir reyndar myndin af þér upp á eldfjallinu best af þessum. Það er eitthvað við hana, veit ekki hvort er meira heillandi, örþreyttur Einarinn eða brjálað útsýnið á bak við hann.
Hlakka til að sjá fleiri myndir, ef ekki til annars en bara að öfunda þig aðeins meira.
# - þann 19 Oct 2005 klukkan 13:44
Já fínar myndir, eflaust verið frábær ferð…. Finnst samt grunsamlegt hvað gamla konan er í hreinum og fínum fötum miðað við umhverfið og aðstæður … spurning hvort hún hafi ekki átt villu eh staðar handan við hæðina
# - þann 19 Oct 2005 klukkan 18:13
Maður fær náttúrulega BARA í magann við að sjá myndir frá stöðum sem að maður hefur verið á. Æðisleg síða og gaman að lesa sögurnar þínar og skoða myndirnar
# - þann 19 Oct 2005 klukkan 18:50
Skemmtileg ferðasaga og flottar myndir, hlakka til að sjá fleiri.
# - þann 19 Oct 2005 klukkan 22:02
Takk takk
# - þann 20 Oct 2005 klukkan 2:52
Vá þúrt ógeðslega sætur. Mig langar að bíta í rassinn þinn!
# - þann 20 Oct 2005 klukkan 13:06
mmm mig langar á þessa ströng og á þessar slóðir. Verður gaman að sjá jafnvel fleiri myndir
# - þann 20 Oct 2005 klukkan 18:42
Æi takk Jens.
Og fleiri myndir koma eftir helgi.