Feb 02 2006
Uppboðið – Lokahlutinn
Ýmislegt hefur gert það að verkum að það hefur dregist hjá mér að klára öll mál í tengslum við uppboðið, sem ég stóð fyrir í desember. Allavegana, núna ætla ég að klára þau mál. Fyrir það fyrsta, þá var mun meiri vinna að koma hlutunum út en ég hafði gert mér grein fyrir. Enn hafa til að mynda nokkrir hlutir ekki verið sóttir, þrátt fyrir að ég hafi sent fjölda tölvupósta á viðkomandi. Einnig hef ég haft mjög mikið að gera undanfarnar vikur og því hefur þetta tafist. En núna ætla ég að klára málin. 
Fyrir það fyrsta ætla ég að opna á frjáls framlög frá fólki. Í öðru lagi er ég búinn að ákveða hvert peningarnir eiga að fara. Og í þriðja lagi, þá ætla ég að bjóða upp nokkra hluti í viðbót.
Til að byrja með, þá hefur safnast á uppboðinu alls 310.400 krónur. Einhverjir hlutir voru aldrei sóttir, en þetta er peningurinn sem hefur skilað sér inn. Auk þessa, þá hef ég safnað 100.000, sem er bæði mitt eigið framlag, sem og framlög frá fjölskyldu og vinum.
Upphæðin er því alls komin uppí 410.400 krónur fyrir lokahlutann.
Ég hef ákveðið eftir talsverða skoðun að peninguinn fari allur til OXFAM. Ég hef skoðað ansi mörg samtök og Oxfam eru samtök, sem nánast allir tala vel um. Samtökin vinna útum allan heim en framlagið okkar mun þó fara til starfa í Mið-Ameríku. Þar vinna samtökin að ýmsum málefnum, sem hægt er að lesa um hér.
Ef þú vilt leggja inn framlag í þessa söfnun mína, þá getur þú lagt pening inná reikninginn minn: Reikningurinn er 546-26-1708. Kennitalan mín er 170877-3659. Allur peningurinn mun renna til Oxfam í Mið-Ameríku.
Varðandi það, sem ég á eftir að bjóða upp
iPod Shuffle 512 mb
Lægsta boð: 1.000
Um ársgamall Shuffle í fínu ástandi.
Þurrkarinn minn
Lægsta boð: 1.000
Hann seldist síðast en var aldrei sóttur, þrátt fyrir ítrekaðar tölvupóstst-sendingar mínar, þannig að ég reyni aftur núna. Þessi þurrkari hefur legið niðrí geymslu síðan ég flutti inní íbúðina mína vegna þess að ég hef einfaldlega ekki pláss fyrir þurrkara inní íbúðinni minni. Þurrkarinn er sennilega um 10 ára gamall, en ég veit ekki til annars en að hann virki fullkomlega.
Geisladiskar pakkar 1 – sjá hér
Geisladiskar pakkar 2 – sjá hér
16 Ummæli við færsluna “Uppboðið – Lokahlutinn”
# - þann 02 Feb 2006 klukkan 20:55
Frábært hjá þér að leggja Oxfam lið. Einu samtökin sem ég hef gefið peninga þar sem einhverjar upphæðir hafa skipt um hendur.
Frábært framtak og frábær samtök til að leggja lið.
# - þann 02 Feb 2006 klukkan 20:59
2000 í Shuffle-inn!
# - þann 02 Feb 2006 klukkan 21:37
3000 á shuffle-inn
# - þann 02 Feb 2006 klukkan 21:42
Býð 5000 í þurrkarann.
# - þann 02 Feb 2006 klukkan 22:57
Frábær frammistaða, þú ert æði
Veit að þetta er ekki beint hefðbundinn hluti af uppboðinu en ég á niðri í kjallara málverk af Gorbatsjov, án valbrár en í ramma sem ég tók úr gámi fyrir utan rússneska sendiráðið. Ég hef ekkert við það að gera, pokarottan í mér hirti það og lét reyndar aðra vita – http://truth.is/archives/000528.html
Þannig að ef Einar er til og einhver vill kaupa þá er það falt til stuðnings Oxfam. Ef Einar er ekki til (helvítis ruddaskapur í mér að ryðjast inn á uppboðið) þá má alveg setja athugasemd á bloggið mitt með tilboðum.
Heimurinn væri betri ef fleiri væru eins og þú
# - þann 02 Feb 2006 klukkan 23:48
3500 kr í Shuffle-inn
# - þann 02 Feb 2006 klukkan 23:58
Gunnar: Áttu fleiri málverk af sovéskum leiðtogum?
# - þann 03 Feb 2006 klukkan 1:16
Sæll Einar.
Ég bauð í Liverpool-búning hérna á sínum tíma. 2000kall, sem ég held að hafi verið hæsta boð. En ég fékk aldrei tölvupóst frá þér. Það gæti verið vitleysa hjá mér að það hafi verið hæsta boð, en ef hann stendur enn til boða, þá stendur mitt tilboð ennþá til boða.
# - þann 03 Feb 2006 klukkan 9:29
5000 kr.á Ipodinn
# - þann 03 Feb 2006 klukkan 16:55
mig langar í þurrkarann.. býð 6000 krónur.
# - þann 03 Feb 2006 klukkan 16:58
# - þann 03 Feb 2006 klukkan 19:36
Sigtryggur, reikningsnúmerið er í þessari færslu
# - þann 03 Feb 2006 klukkan 19:48
7000 í þurrkarann.
# - þann 05 Feb 2006 klukkan 22:33
6000 í Ipodinn.
# - þann 06 Feb 2006 klukkan 21:14
Uppboði lýkur á miðnætti. Hæstu boð:
iPod: 6000 – Helga Eiríks Þurrkari: 7000 – Ingibjörg
# - þann 07 Feb 2006 klukkan 10:17
Uppboði lokið. Hæstu boð:
iPod: 6000 – Helga Eiríks
Þurrkari: 7000 – Ingibjörg