Sep 04 2006

What’s so funny…?

uppfærði klukkan 18:16 í flokkinn Tónlist

« | Aðalsíða | »

Ég hef sennilega aldrei talað um aðdáun mína á Elvis Costello hér á þessari síðu. Fyrir einhverjum 10 árum kynnti Eunice vinkona mín mig fyrir honum þegar við sátum saman útá svölum á hótelinu okkar á eyjunni Margarítu og hún spilaði fyrir mig “I want you”. Auðvitað vissi ég hver Costello var, en áður en hún spilaði lagið fyrir mig, þá hafði ég ekki mikið hlustað á hann.

Núna 10 árum síðar er hann einn af mínum uppáhalds-tónlistarmönnum. En ég þekki ansi fáa, sem deila aðdáun minni á honum. Það er auðvitað synd. Ég var ákveðinn í að skella inn lagi með honum og velti því aðeins fyrir mér hvað ég ætti að velja. Í raun komu 3 uppáhaldslögin mín með Costello til greina: “(What’s So Funny ‘Bout) Peace Love & Understanding”, “I Want You” og “Party Girl”.

Ég fann svo á Youtube vídeó í góðum gæðum með “(What’s So Funny ‘Bout) Peace Love & Understanding”. Þar sem það lag er gjörsamlega æðislegt og myndbandið er klassískt Costello moment, þá set ég það hérna inn. Njótið!

Í framhaldinu mæli ég svo með Armed Forces fyrir Costello byrjendur. Hún er algjörlega frábær.

5 ummæli hingað til

5 Ummæli við færsluna “What’s so funny…?”

  1. Silja
    # - þann 04 Sep 2006 klukkan 18:54

    Costello er snillingur, en sammála, það eru voða fáir sem ég þekki sem hlusta á hann eða gefa sér tíma til að gera það. Man samt ekki hvað uppáhaldslagið mitt með honum heitir :blush:

  2. Arnar O
    # - þann 04 Sep 2006 klukkan 22:44

    Mitt uppáhalds Costello lag er Shipbuilding í flutningi Graham Coxon, fyrrum gítarleikara Blur. Hann tók það einhvern tímann í þætti hjá John Peel. Ógeðslega flott!

  3. Gummi Jóh
    # - þann 04 Sep 2006 klukkan 23:31

    Costello er snillingur. Sá sem segir annað er of upptekinn við að þykjast vera cool og hreinlega viðurkennir ekki snilligáfu mannsins.

    Armed Forces er brilliant plata. Cover Belle & Sebastian á Olivers Army gefur mér alltaf sæluhroll.

  4. Jensi
    # - þann 06 Sep 2006 klukkan 11:39
    En ég þekki ansi fáa, sem deila aðdáun minni á honum. Það er auðvitað synd.

    Isss, þú hefur bara verið að spyrja vitlaust fólk! Leyfi mér að vísa í ummælin hér að ofan máli mínu til rökstuðnings :biggrin2:

  5. Einar Örn
    # - þann 06 Sep 2006 klukkan 23:45

    Ok, ég vissi ekki að þú værir Costello aðdáandi :-)