Dec 27 2006
Leiðinlegustu fréttir ársins
Jæja, er ekki voðalega vinsælt að hafa svona topplista fyrir árið. Þetta voru að mínu mati leiðinlegustu fréttir ársins 2006:
- Baugsmálið: Enn eitt árið er þetta leiðinlegasta fréttaefnið. Þetta mál náði að vera pínku spennó þegar öll þessi persónulegu email komu upp. En á þessu ári hafa fréttir um Baugsmálið verið 100% leiðindi. Hver er hæfur, hver er vanhæfur, who gives a fuck? Geta menn ekki bara klárað þetta mál? Það hefur enginn gaman af þessu, ekki Baugsmenn, ekki ríkið og svo sannarlega ekki við hin.
- Allar fréttir um íslenska fjölmiðla. Þá sérstaklega fréttir um RÚV frumvarpið.
- Fréttir um launamál flugumferðarstjóra. Getur ekki einhver fréttamaður tékkað á því hvort ríkið sé að brjóta á flugumferðarstjórum? Ef svo er, þá má gagnrýna ríkið. En ég nenni ekki að hlusta á 20 fréttir þar sem ríkið segir eitt og þessir flugumferðarstjórar annað. Af hverju geta fréttamenn ekki bara kannað málið í stað þess að spyrja bara þá sem deila? Fyrir flughræddan mann einsog mig, þá vil ég ekki vita til að þessir menn séu í fýlu.
- Fréttir af milliuppgjöri fyrirtækja. Hvergi annars staðar í heiminum er milliuppgjörum fyrirtækja slegið upp sem fyrstu fréttum á vefútgáfum dagblaða með öðrum almennum fréttum.
- Fréttir af matsfyrirtækjum. Ég leyfi mér að fullyrða að langflest fólk hefur ekki hugmynd um hvað þessi matsfyrirtæki eru að bralla. Segið mér hvaða áhrif þetta hefur á bankabókina mína og þá get ég kannski gert mér upp áhuga. Og ég er hagfræðingur!
- Allar fréttir sem fela í sér viðtöl við börn. Meðal annars fréttir um að nú séu að koma jól, hvítasunna, páskar, sumar og 17.júní. Einnig fréttir með viðtölum við jólasveina.
Ég er ábyggilega að gleyma einhverju. Einhverjar hugmyndir?
14 Ummæli við færsluna “Leiðinlegustu fréttir ársins”
# - þann 27 Dec 2006 klukkan 19:03
Alveg sammála þér með barnaviðtölin, það er óþolandi hvernig fréttamenn leikstýra viðtölunum með spurningum eins og: “Lærðirðu kannski að allir eiga að vera góðir á jólunum?” þá er fréttamaðurinn hvort sem er búinn að svara spurningunni.
Svo á líka að banna sýningar á brúðkaupum kóngafólks, sennilega leiðinlegasta sjónvarpsefni sem ég veit um.
# - þann 27 Dec 2006 klukkan 19:50
Mig langar að láta banna fréttaflutning tengdan dauða Díönu prinsessu. Það eru rúm níu ár síðan og enn er sagt frá því nánast fremst í fréttatíma beggja sjónvarpsstöðva ef eitthvað nýtt kemur fram.
Málið er einfalt: hún flúði ljósmyndara, bílstjórinn var drukkinn og keyrði of hratt, þau keyrðu á, þau dóu. End of story.
# - þann 27 Dec 2006 klukkan 20:56
Kirkjusókn Íslendinga á jólunum…
# - þann 27 Dec 2006 klukkan 21:32
Já, ég gæti líka sett inn allar “ekki fréttirnar” einsog að það væri í alvöru fólk í Kringlunni að skipta jólagjöfum í dag, eða að það sé mikið að gera á dekkjaverkstæðum þegar það snjóar og svo framvegis.
Hvar eruð þið að sjá allar þessar Díönu fréttir? Eruði áskrifendur að Hello?
# - þann 27 Dec 2006 klukkan 22:12
Hello? Ég sagði báðar fréttastofurnar í íslensku sjónvarpi, ekki erlend slúðurrit. :confused: Þetta var einhvern tímann í haust, það kom frétt þess eðlis að það væri búið að úrskurða að þetta hefði verið slys. Eins og menn hefðu þurft níu ár til að fatta það. Og hver man ekki eftir lausmælta þjóninum hennar frá því í fyrra?
# - þann 27 Dec 2006 klukkan 22:43
Kristján, nú ert þú búinn að koma upp um þig. Þú lest Hello!
# - þann 27 Dec 2006 klukkan 23:27
# - þann 27 Dec 2006 klukkan 23:32
Þú ert algerlega kominn útí horn, Kristján.
# - þann 28 Dec 2006 klukkan 11:58
Sæll Einar, ég er að mestu leiti sammála þér um þennan vinsældarlista en það vantar eitt að mínu mati. Það er þegar er verið að taka viðtöl við gamalt fólk, misjafnlega áttað og fréttamaðurinn/konan talar við viðkomandi eins og hann sé hálfviti eða smábarn!! Annars langar mig til að óska þér gleðilegs árs og farsældar á nýja árinu. Bloggið þitt er alltaf skemmtilegt
# - þann 28 Dec 2006 klukkan 13:43
þú gleymdir öllum fréttum um árna johnsen zzzzzzz
# - þann 28 Dec 2006 klukkan 18:08
Það gæti líka verið gaman að taka saman allar fréttirnar um hann Magna okkar blessaða yndislega æðislega …og allt það ómægodd!
# - þann 28 Dec 2006 klukkan 22:23
ég þoli ekki fréttir um það hversu margir fóru í gegnum Leifsstöð í hverjum mánuði.
# - þann 29 Dec 2006 klukkan 18:06
Takk, Oddrún.
Og já, Árni, Magni og Leifsstöðvarfréttir eiga alveg erindi á listann.
# - þann 30 Dec 2006 klukkan 13:38
Heyrðu! Ég held ég sé búinn að finna leiðinlegasta fréttaefni ársins, það er vel að titlinum komið, því það var í fréttum nánast allt árið.
Leiðinlegustu fréttir ársins: skeggið á Loga Bergmann!
Það var á forsíðum nokkurra blaða bæði þegar það kom og þegar það fór. Í millitíðinni var það til umfjöllunar í saumaklúbbum landsmanna!