Jan 09 2007
Ó vei, nördaskapur!
Ég verð að játa það á mig að ég breytist í mesta nörd í heimi í kringum MacWorld þar sem Apple tilkynnir um nýjar vörur. Klukkan 17 í dag stígur Steve Jobs á svið og segir okkur Apple aðdáendum hvað við hreinlega VERÐUM að eignast á næstu vikum.
Það er varla til sá hlutur, sem Apple framleiðir, sem ég væri ekki til í að eiga. Núna á ég tvær Apple tölvur (iMac og nýja og yndislega Macbook Pro) og tvo iPod-a (Nano og 60gb photo). Flestir búast við því að Apple muni í dag kynna nýjan Apple GSM síma (Wall Street Journal segir m.a. frá því) sem þýðir að tveggja ára Samsung síminn minn mun sennilega lenda í einhverju hræðilegu slysi á næstu dögum, sem hreinlega neyðir mig til að kaupa mér nýjan síma!
Ó, ég er spenntur!
9 Ummæli við færsluna “Ó vei, nördaskapur!”
# - þann 09 Jan 2007 klukkan 14:42
Er í sömu sporum, get ekki beðið!
Er samt aðallega spenntastur fyrir nánari upplýsingum um Leopard, og svona almennt í hugbúnaðargeiranum. Hef nefnilega ekki efni á að vera í sífelldri græjuvæðingu
# - þann 09 Jan 2007 klukkan 15:29
það er samt rúmörs um að þessi sími muni (fyrst um sinn) bara virka í usa..
ég er mest spennt fyrir itv http://en.wikipedia.org/wiki/ITV_(Apple)
# - þann 09 Jan 2007 klukkan 18:08
10:04 am GSM+EDGE phone
jæja sturtaðu niður samsunginum :laugh:
# - þann 09 Jan 2007 klukkan 18:50
“For a 4GB model we’re pricing it at $499″ og “8GB model for just $599.” úrg. Ekki viss að vinnan elski mig svona mikið. Á enda tvo iPodda og fínan síma (með myndavél
# - þann 10 Jan 2007 klukkan 0:09
Já, og hann verður ekki til í Evrópu fyrr en á síðasta ársfjórðungi!!!
Hvernig í andskotanum á ég að geta beðið þar til í október??? Skamm Apple. Skamm Skamm!!!
# - þann 10 Jan 2007 klukkan 11:05
Takið eftir að uppgefið verð, $499 og $599, miðast við tveggja ára samning hjá Cingular, þannig að eflaust verður síminn eitthvað dýrari hér (þ.e.a.s. fyrir utan venjulegan verðmun milli BNA og Íslands). Ég myndi giska á 80-100þ fyrir ódýrari símann.
En þetta er ótrúlega flott græja. Skil samt ekki af hverju þeir slepptu innbyggðu gps – miðað við hvað google maps virðist virka flott.
# - þann 10 Jan 2007 klukkan 11:58
Jamm, ég held að þetta sé ekki fyrir mig – þetta lítur sjúklega vel út, en ég sé samt ekki alveg að ég noti þetta. Ég bíð bara eftir iPhone Nano.
# - þann 11 Jan 2007 klukkan 13:34
mig langar svooo í hann!! :biggrin2: en hann kemur víst ekki fyrr en rétt fyrir jól..ekki október..og er ótollaður þar sem hann er sími þannig það verður ekki eins mikill verðmunur milli US og Íslands eins og á i-pod :blush:
# - þann 13 Jan 2007 klukkan 13:00
Detti mér allar dauðar – við búum í sömu blokk.
Legg til að við förum í hostile takeover á húsfélaginu og notum hússjóðinn til að kaupa makkadót.