Þá er þetta ár alveg að verða búið og þá fer maður náttúrulega að hugsa um hvað hafi gerst á árinu, hvað ég hefði átt að gera betur og svo framvegis.

Þetta er búið að vera ótrúlega viðburðarríkt ár. Ég hefði sennilega ekki trúað því fyrir einu ári að ég yrði í lok árs búinn að hætta með Hildi, hætta við öll ferðalögin, útskrifast og fá verðlaun fyrir BA ritgerðina, flytja í eigin íbúð á Hagamelnum og stofna veitingastað í Kringlunni.

Það má segja að þetta ár hafi einkennst af miklum sveiflum. Prívatmálefni hafa verið erfið, enda held ég að það geti aldrei verið auðvelt að skilja við manneskju, sem maður hefur búið með í fjögur ár. Ég hef þó lært gríðarlega mikið á þessum tíma og tel að ég sé betri og vitrari maður en ég var fyrir einu ári. Núna í lok árs er ég allavegana ágætlega sáttur við mína stöðu og lít björtum augum á næsta ár.

Á námssviðinu var ég gríðarlega ánægður með endalokin á háskólanáminu. Ég átti þrjú frábær ár í Northwestern og ég sé alls ekki eftir þeirri vinnu, sem ég lagði í námið þar. Þrátt fyrir að einhverjir setji sennilega spurningamerki við það hvernig hagfræðinám nýtist við rekstur veitingastaðar, þá hefði ég ekki viljað breyta miklu varðandi námið. Ég er líka ákveðinn að fara í framhaldsnám eftir nokkur ár og þar tel ég að hagfræðigrunnurinn frá Northwestern muni koma sér mjög vel.

Allur darraðadansinn í kringum Serrano hefur auðvitað verið gríðarlega lífsreynsla. Það er hreint með ólíkindum að okkur Emil skuli hafa tekist að gera þetta allt á innan við einu ári. Þrátt fyrir að hugmyndin hafi kviknað hjá okkur fyrir nokkrum árum og þróast hjá mér og Hildi síðustu tvö ár, þá talaði ég í raun í fyrsta skipti formlega um þetta við Emil í janúar. Þá voru hugmyndirnar reyndar gjörólíkar því, sem varð ofan á. Það var í raun ekki fyrr en eftir eina kennslustund með Michael Maremont í maí að ég sannfærðist um hvað yrði besta leiðin fyrir okkur.

Staðurinn varð svo að raunveruleika á þrem mánuðum eftir að ég kom heim í ágúst. Eftirá að hyggja var það sennilega heppni hversu illa okkur gekk í byrjun, því að húsnæði í Kringlunni losnaði akkúrat á réttum tíma. Eftir að staðurinn opnaði hefur þetta gengið nokkuð vel og ég er í enda árs mjög stoltur af því sem ég hef, með aðstoð Emils og góðs fólks í kringum okkur, áorkað.

Þannig að ég er þó nokkuð bjartsýnn á næsta ár. Annars vil ég bara þakka þeim, sem skoðuðu þessa síðu á árinu og ég vona að einhverjir hafi haft gagn og gaman af. Gleðilegt ár!

Kvót dagsins, Eggert Skúlason í Silfri Egils:

Er hægt að taka mark á svona fólki?

Fréttablaðið birtir í dag lista yfir bestu plöturnar 2002 að mati gagnrýnenda blaðsins en sá hópur inniheldur m.a. Birgi Örn, söngvara Maus.

Núna er líka Pitchfork búið að gefa út lista yfir bestu plöturnar. Hjá þeim eru Interpol í fyrsta sæti, Wilco í öðru og Trail of Dead í þriðja sætinu. Hjá Fréttablaðinu er Sage Francis í fyrsta, Damon Albarn í öðru og The Streets í þriðja sæti.

Ég er greinilega ekki eins mikið "inn" í tónlistinni í dag, því ég verð að játa að ég hafði aldrei heyrt um Trail of Dead, en nýja plata þeirra fær 10 í einkunn hjá Pitchfork. Einnig hafði ég ekki hugmynd um það að Damon Albarn hefði gert plötu með listamönnum frá Malí.

Allavegana, hérna er minn listi yfir bestu plöturnar árið 2002.

1. The Flaming Lips - Yoshimi battles the Pink Robots
2. Eminem - The Eminem Show
3. Beck - Sea Change
4. Sigur Rós - ( )
5. Coldplay - A Rush of Blood to the Head

Ef ég tek bara íslenskar plötur, þá væri listinn svona:

1. Sigur Rós - ( )
2. Quarashi - Jinx
3. Móri - Atvinnukrimmi
4. XXX Rotweiler - Þú skuldar
5. Afkvæmi Guðanna - Ævisögur

Ljóta GERPI!!!

Andskotinn!, ég sem hélt að ég myndi loksins hafa einhverju að fagna. En þá tók fríkið Francis Jeffers sig til og setti met í leikaraskap þegar hann lét sig detta í teignum.

Hefði þetta verið Diouf í staðinn fyrir Jeffers, þá hefði Diouf fengið gult spjald fyrir leikaraskap.

Ljóta GERPI!!!

Andskotinn!, ég sem hélt að ég myndi loksins hafa einhverju að fagna. En þá tók fríkið Francis Jeffers sig til og setti met í leikaraskap þegar hann lét sig detta í teignum.

Hefði þetta verið Diouf í staðinn fyrir Jeffers, þá hefði Diouf fengið gult spjald fyrir leikaraskap.

Jæja, þá er bara klukkutími þangað til að ég fer uppí kirkjugarð að leggja blóm á leiðin hjá ömmum og öfum mínum. Með því hefjast nú jólin formlega.

Þannig að ég segi bara gleðileg jól! Hafið það sem best um jólin.

Vá, þeir hjá Time hljóta að vera að djóka. Þeir hafa ákveðið að konurnar, sem klöguðu til yfirvalda brot hjá Enron, Worldcom og FBI sem menn ársins árið 2002.

Mikið óskaplega hefur þetta nú verið ömurlegt ár ef þessar konur eiga það skilið að vera kosnar menn ársins. Samkvæmt könnun á vefsíðu Time, þá eru 91% lesenda ósammála þessari niðurstöðu.

Jæja, þetta verður nú varla mikið ömurlega hjá Liverpool. Ég man hreinlega ekki hvenær liðið hefur lent í annarri eins lægð. Fjögur töp í röð í deildinni og nú síðast fyrir lélegasta liðinu í deildinni, Sunderland. Þar sem Gerard Houllier skilur íslensku og les þessa síðu reglulega þá ætla ég að bjóða honum mínar ráðleggingar á því hvernig hægt er að bæta liðið.

1. Breyta vörninni: Hyppia og Henchoz eru góðir saman í miðju varnarinnar en hins vegar er það augljóst að bakverðirnir eru alls alls ekki nógu góðir. Það að spila með tvo miðverði (Carragher og Traore) í bakvarðastöðunum á móti lélegasta sóknarliði deildarinnar er náttúrulega fáránlegt. Það auðveldasta, sem Houllier getur gert er náttúrulega að setja Babbel í hægri bakvörðinn og Riise í vinstri bakvörðinn. Þar sem Liverpool hefur enga almennilega kantmenn, þá verða bakverðirnir að sækja og því væri mun betra að hafa Babbel og Riise í þessum stöðum, þar sem þeir eru mun sókndjarfari. Einnig væri skemmtilegt að prófa Gregory Vignal í þessari stöðu.

2. Breyta miðjunni: Gerrard og Hamann eiga á góðum degi að vera eitt besta miðjupar í heimi. Það er bara ljóst að Gerrard er alls ekki að spila vel. Sama hvað Houllier reynir að telja fólki trú um að hann sé búinn að finna sitt gamla form, þá virðist honum vera það ómögulegt að senda á samherja. Best væri að nota Diao, sem hefur komið sterkur inn við hlið Hamann. Gefa Gerrard frí.

3. Kaupa kantmenn: Kantarnir eru gríðarlegt vandamál hjá Liverpool. Danny Murphy og Vladimir Smicer eru ágætir þegar þeir eru í formi. Málið er bara að Smicer er bara í góðu formi á sex mánaða fresti. Það verður einfaldlega að kaupa einhverja sókndjarfa menn til að spila á köntunum. Til dæmis Harry Kewell á vinstri kantinn (Leeds þarf að selja menn). Í millitíðinni væri best að nota Bruno Cheyrou á vinstri kantinn og Diouf á hægri kantinn.

4. HAFA BAROS INNÁ: Það virðist vera sama hvað Milan Baros gerir mikið, skorar mörg mörk og skapar mörg færi, hann er alltaf tekinn útaf í leikjum og hann er nær aldrei í byrjunarliðinu tvo leiki í röð (nema núna, af því að Heskey er meiddur). Baros ætti að vera í liðinu. Og ekki taka hann útúr liðinu ef honum mistekst að skora í einum leik. Alls alls alls ekki hafa Emile Heskey í liðinu í staðinn fyrir Baros. Talandi um Heskey. EKKI SPILA MEÐ HESKEY Á VINSTRI KANTINUM. ALDREI!!!!!!!!! Jafnvel þótt styrjöld brjótist út og allir vinstri kantmenn í heiminum deyji, EKKI SETJA HESKEY Á KANTINN.

5. Hafa sama byrjunarlið fimm leiki í röð: Spila með

Halda þessu byrjunarliði nokkra leiki í röð. Jafnvel þótt menn eigi ekki stjörnuleik, ekki breyta liðinu. Það er ekki nóg fyrir menn einsog Diouf að fá að spila á tveggja vikna fresti. Láta þessa menn kynnast hvor öðrum betur.

6. Hættu að monta þig í viðtölum: Houllier finnst einkar gaman að monta sig í viðtölum. Til að mynda þegar Baros skoraði sín fyrstu mörk, þá kom Houllier í viðtali og tók það sérstaklega fram að hann hefði átt hugmyndina að því að kaupa hann. Þetta er ótrúlega pirrandi, sérstaklega þar sem hann viðurkennir aldrei mistök sín í viðtölum.

7. Hættu að hrósa liðinu eftir ömurlega tapleiki: Eftir leikinn gegn Sunderland í dag sagði Houllier að hann gæti ekki skammað sína menn eftir leikinn. Hversu illa þurfa leikmenn að spila til þess að hann skammi þá? Er það ekki nóg að vera yfirspilaðir af lélegasta liði deildarinnar?

8. Hættu að kaupa leikmenn, sem eru ekkert betri en þeir leikmenn sem eru fyrir hjá liðinu: Houllier hefur verið að kaupa frekar ódýra leikmenn undanfarið, menn sem eru ekkert mikið betri en þeir, sem eru fyrir hjá liðinu. Til þess að liðið nái framförum þarf Houllier að vera tilbúinn til að eyða peningum í stóra leikmenn. Það má selja að minnsta kosti 5-6 dýra leikmenn, sem eru hjá liðinu. Menn sem spila aldrei, einsog Diomede, Berger, Biscan og svo framvegis. Ég væri alveg til að skipta á öllum þessum leikmönnum og einum frábærum leikmanni einsog til dæmis Damien Duff.

9. Kauptu leikmenn í janúar: Liðinu vantar allavegana góðan vinstri bakvörð, og tvo kantmenn. Ef að Babbel er ekki heill, þá vantar líka hægri bakvörð.

10. Láttu liðið spila sóknarbolta: Því er einfaldlega ekki hægt að neita að fótboltinn, sem Liverpool hefur spilað undanfarið er hundleiðinlegur. Þetta er sorglegt, því þegar Houllier hefur fyrirskipað sóknarbolta þá getur liðið leikið frábærlega. Ég hef til dæmis sjaldan séð jafn skemmtilegan sóknarbolta og þegar liðið gerði jafntefli á móti Newcastle.

Ef Houllier fylgir þessum leiðbeiningum, þá er ég viss um að leikur liðsins mun batna.

Helgi Hjörvar er snillingur.

Ég var að horfa á Silfur Egils áðan og þar var Helgi í umræðum með Sigurði Kára og einhverjum Framsóknarmanni. Svei mér þá ef Sigurður Kári er ekki að setja Íslandsmet í flokkshollustu. Á tæpum mánuði eftir þetta prófkjör er hann búinn að breytast úr frjálshyggjumanni í versta íhaldsmann, sem var í þættinum að verja ríkisábyrgð, ríkisútvarpið og ríkisframkvæmdir. Ég held að það hafi allavegana tekið menn einsog Friðrik Sophusson nokkra mánuði að breytast í íhaldsmenn.

Helgi Hjörvar baunaði skemmtilega á Sigurð Kára varðandi þessa breytingu og það eina, sem Sigurður Kári gat svarað var að kommenta að Helgi Hjörvar hafi eitt sinn verið sósíalsti. Alger snilld. Hvet alla til að horfa á þetta í endursýningu í kvöld.

Þetta er ein af ástæðunum fyrir því að ég á erfitt með að hugsa mér að kjósa sjálfstæðisflokkinn. Það virðist vera sem menn leggi hugsjónir að baki um leið og þeir eru komnir í framboð. Það er algjörlega óþolandi og ég held að Sigurður Kári ætti aðeins að hugsa sinn gang. Ég tel að hann hafi ekki verið valinn í prófkjörinu til að verða bara einhver klappstýra fyrir íhaldsflokkinn.

Jæja, þetta verður nú varla mikið ömurlega hjá Liverpool. Ég man hreinlega ekki hvenær liðið hefur lent í annarri eins lægð. Fjögur töp í röð í deildinni og nú síðast fyrir lélegasta liðinu í deildinni, Sunderland. Þar sem Gerard Houllier skilur íslensku og les þessa síðu reglulega þá ætla ég að bjóða honum mínar ráðleggingar á því hvernig hægt er að bæta liðið.

1. Breyta vörninni: Hyppia og Henchoz eru góðir saman í miðju varnarinnar en hins vegar er það augljóst að bakverðirnir eru alls alls ekki nógu góðir. Það að spila með tvo miðverði (Carragher og Traore) í bakvarðastöðunum á móti lélegasta sóknarliði deildarinnar er náttúrulega fáránlegt. Það auðveldasta, sem Houllier getur gert er náttúrulega að setja Babbel í hægri bakvörðinn og Riise í vinstri bakvörðinn. Þar sem Liverpool hefur enga almennilega kantmenn, þá verða bakverðirnir að sækja og því væri mun betra að hafa Babbel og Riise í þessum stöðum, þar sem þeir eru mun sókndjarfari. Einnig væri skemmtilegt að prófa Gregory Vignal í þessari stöðu.

2. Breyta miðjunni: Gerrard og Hamann eiga á góðum degi að vera eitt besta miðjupar í heimi. Það er bara ljóst að Gerrard er alls ekki að spila vel. Sama hvað Houllier reynir að telja fólki trú um að hann sé búinn að finna sitt gamla form, þá virðist honum vera það ómögulegt að senda á samherja. Best væri að nota Diao, sem hefur komið sterkur inn við hlið Hamann. Gefa Gerrard frí.

3. Kaupa kantmenn: Kantarnir eru gríðarlegt vandamál hjá Liverpool. Danny Murphy og Vladimir Smicer eru ágætir þegar þeir eru í formi. Málið er bara að Smicer er bara í góðu formi á sex mánaða fresti. Það verður einfaldlega að kaupa einhverja sókndjarfa menn til að spila á köntunum. Til dæmis Harry Kewell á vinstri kantinn (Leeds þarf að selja menn). Í millitíðinni væri best að nota Bruno Cheyrou á vinstri kantinn og Diouf á hægri kantinn.

4. HAFA BAROS INNÁ: Það virðist vera sama hvað Milan Baros gerir mikið, skorar mörg mörk og skapar mörg færi, hann er alltaf tekinn útaf í leikjum og hann er nær aldrei í byrjunarliðinu tvo leiki í röð (nema núna, af því að Heskey er meiddur). Baros ætti að vera í liðinu. Og ekki taka hann útúr liðinu ef honum mistekst að skora í einum leik. Alls alls alls ekki hafa Emile Heskey í liðinu í staðinn fyrir Baros. Talandi um Heskey. EKKI SPILA MEÐ HESKEY Á VINSTRI KANTINUM. ALDREI!!!!!!!!! Jafnvel þótt styrjöld brjótist út og allir vinstri kantmenn í heiminum deyji, EKKI SETJA HESKEY Á KANTINN.

5. Hafa sama byrjunarlið fimm leiki í röð: Spila með

Halda þessu byrjunarliði nokkra leiki í röð. Jafnvel þótt menn eigi ekki stjörnuleik, ekki breyta liðinu. Það er ekki nóg fyrir menn einsog Diouf að fá að spila á tveggja vikna fresti. Láta þessa menn kynnast hvor öðrum betur.

6. Hættu að monta þig í viðtölum: Houllier finnst einkar gaman að monta sig í viðtölum. Til að mynda þegar Baros skoraði sín fyrstu mörk, þá kom Houllier í viðtali og tók það sérstaklega fram að hann hefði átt hugmyndina að því að kaupa hann. Þetta er ótrúlega pirrandi, sérstaklega þar sem hann viðurkennir aldrei mistök sín í viðtölum.

7. Hættu að hrósa liðinu eftir ömurlega tapleiki: Eftir leikinn gegn Sunderland í dag sagði Houllier að hann gæti ekki skammað sína menn eftir leikinn. Hversu illa þurfa leikmenn að spila til þess að hann skammi þá? Er það ekki nóg að vera yfirspilaðir af lélegasta liði deildarinnar?

8. Hættu að kaupa leikmenn, sem eru ekkert betri en þeir leikmenn sem eru fyrir hjá liðinu: Houllier hefur verið að kaupa frekar ódýra leikmenn undanfarið, menn sem eru ekkert mikið betri en þeir, sem eru fyrir hjá liðinu. Til þess að liðið nái framförum þarf Houllier að vera tilbúinn til að eyða peningum í stóra leikmenn. Það má selja að minnsta kosti 5-6 dýra leikmenn, sem eru hjá liðinu. Menn sem spila aldrei, einsog Diomede, Berger, Biscan og svo framvegis. Ég væri alveg til að skipta á öllum þessum leikmönnum og einum frábærum leikmanni einsog til dæmis Damien Duff.

9. Kauptu leikmenn í janúar: Liðinu vantar allavegana góðan vinstri bakvörð, og tvo kantmenn. Ef að Babbel er ekki heill, þá vantar líka hægri bakvörð.

10. Láttu liðið spila sóknarbolta: Því er einfaldlega ekki hægt að neita að fótboltinn, sem Liverpool hefur spilað undanfarið er hundleiðinlegur. Þetta er sorglegt, því þegar Houllier hefur fyrirskipað sóknarbolta þá getur liðið leikið frábærlega. Ég hef til dæmis sjaldan séð jafn skemmtilegan sóknarbolta og þegar liðið gerði jafntefli á móti Newcastle.

Ef Houllier fylgir þessum leiðbeiningum, þá er ég viss um að leikur liðsins mun batna.

Það eru athyglisverðar umræður í gangi á vefnum hans Bjarna um það hvort blogg sé einkamál eður ei.

Þar eru Bjarni og félagar að deila við Sverri Jakobsson og fleiri um það hvort siðlegt sé að vísa í blogg færslur. Ég er að flestu leyti sammála þeim Bjarna og félögum um það að ef menn setja eitthvað á netið, þá sé fólki frjálst að vísa í það svo lengi sem það sé ekki gert í þeim tilgangi að gera lítið úr viðkomandi aðila.

Ég á hins vegar við dálítið öðruvísi vandamál að stríða. Þannig er mál með vexti að Leit.is elskar síðuna mína. Movabletype, kerfið sem ég nota til að uppfæra síðuna býr til nýja HTML síðu fyrir hverja færslu. Þannig að ef ég fjalla um einhvern ákveðinn aðila einsog til dæmis Britney Spears, þá kemst síðan mín ofarlega í leitarniðurstöður á leit.is vegna þess að á viðkomandi síðu er Britney Spears áberandi nafn.

Ég get auðveldlega séð hversu vinsæll ég er á leit.is með því að skoða gamlar færslur. Það kemur nefnilega fram á öllum færslum hver vísaði á síðuna. Þannig vísaði katrín.is á þessa færslu og því fékk ég um 230 heimsóknir frá henni.

Margar gamlar færslur mínar eru stuttar og ég fæ oft létt sjokk þegar ég sé að fullt af fólki hefur komið inná einhverja eld gamla færslu. Til dæmis minntist ég á Britney Spears í einni færslu fyrir rúmum tveimur árum og hef fengið eitthvað fáránlegt magn af tilvísunum frá leit.is. Þetta er ein færsla, sem er í engu samhengi við neitt annað á síðunni. Ég var eitthvað fúll útí fjölmiðlaherferð Britney og skrifaði stutt um það á síðuna. Vegna þess lenti til dæmis gaurinn, sem var að leita að Britney spears og annna konrecofa inná minni síðu.

Fyrst fannst mér þetta voða sniðugt en núna hef ég oftar og oftar fengið einhver fáránleg komment frá einhverjum óþroskuðum bjánum, sem koma inná síðuna mína eftir þessari leið. Ég er til dæmis nýbúinn að eyða út kommenti frá einhverjum hálfvita, sem var að hóta mér öllu illu.

Ég á dálítið erfitt að gera upp við mig hvort mér finnist gaman að athyglinni eða hvort best væri að gera eitthvað svo að leit.is hætti að leita á síðunni minni. Náttúrulega segir þetta líka margt um það hversu slöpp leitarvél leit.is er.

Til dæmis ef leitað er að "Afkvæmi Guðanna á leit.is þá er mín síða fyrstu þrjár niðurstöðurnar. Þetta er náttúrulega fáránlegt því að Afkvæmi Guðanna eru með eigið blogg (reyndar með .com addressu). Ef ég geri sömu leit á Google, þá kemur bloggið þeirra fyrst upp, einsog þetta ætti að vera.

Ef ég leita að "Sverrir Jakobsson" á Leit.is þá er mín síða 2,4,6,7,9 og 10. Það mætti halda að ég hugsaði ekki um annað en hann. Allar þessar vísanir eru vegna einnar stuttrar deilu, sem ég átti við hann á netinu. Þetta er náttúrulega bull.

Jæja, þá veit ég hvað mig langar í jólagjöf í ár:

Talking George W Bush doll.

Jú, og líka iPod.

Takk fyrir.

Stefán Pálsson, ofurbloggari heldur með liðinu Luton í ensku knattspyrnunni. Hann skrifar á vef sinn að hann hyggist stofna klúbb fyrir þá, sem halda með minni liðunum í enska boltanum.

Stefán telur það greinilega dyggð að styðja litlu liðin en ekki Liverpool (sem er mitt uppáhaldslið), United eða Arsenal. Ég er algerlega ósammála þessu. Ég held nefnilega að Stefán haldi með Luton af sömu ástæðu og ég held með Liverpool, það er, að þeir voru góðir þegar við byrjuðum að fylgjast með fótbolta.

Fyrsti fótboltaleikurinn, sem ég man vel eftir var Liverpool-Juventus í úrslitum Evrópukeppninnar, sem var háður á Heysel leikvanginum í Belgíu. Sá leikur er fremur þekktur fyrir þann sorglega atburð, sem gerðist fyrir leikinn þegar tugir Juventus stuðningsmanna dóu er stúkan þeirra hrundi eftir ólæti Liverpool stuðningsmanna. Eftir þann leik hef ég ávallt haldið með Liverpool, einfaldlega vegna þess að þeir voru góðir þegar ég byrjaði að fylgjast með fótbolta.

Ég var þónokkuð heppnari en til dæmis Gunnar Narfi vinur minn, sem heldur með Everton, en þeir voru með gott lið á svipuðum tíma. Ef ég hefði verið óheppinn hefði ég getað asnast til að halda með Everton, Norwich eða einhverjum ámóta sorglegum liðum, sem voru góð þegar ég var 8-9 ára gamall.

Ég held með fulltaf lélegum liðum í öðrum deildum og íþróttum. Ég held til dæmis með Stjörnunni á Íslandi af því að ég ólst uppí Garðabænum. Stjarnan hefur aldrei unnið neitt (nema frægan Íslandsmeistaratitil í fótbolta í 5.flokki, sem er án efa hátindur frekar slapps knattspyrnuferils míns). Það er þó engin sérstök dyggð að halda með þessu slappa liði heldur einfaldlega óheppni. Sama gildir með Stefán og Stefán og aðdáun þeirra á QPR og Luton.

Stefán Pálsson, ofurbloggari heldur með liðinu Luton í ensku knattspyrnunni. Hann skrifar á vef sinn að hann hyggist stofna klúbb fyrir þá, sem halda með minni liðunum í enska boltanum.

Stefán telur það greinilega dyggð að styðja litlu liðin en ekki Liverpool (sem er mitt uppáhaldslið), United eða Arsenal. Ég er algerlega ósammála þessu. Ég held nefnilega að Stefán haldi með Luton af sömu ástæðu og ég held með Liverpool, það er, að þeir voru góðir þegar við byrjuðum að fylgjast með fótbolta.

Fyrsti fótboltaleikurinn, sem ég man vel eftir var Liverpool-Juventus í úrslitum Evrópukeppninnar, sem var háður á Heysel leikvanginum í Belgíu. Sá leikur er fremur þekktur fyrir þann sorglega atburð, sem gerðist fyrir leikinn þegar tugir Juventus stuðningsmanna dóu er stúkan þeirra hrundi eftir ólæti Liverpool stuðningsmanna. Eftir þann leik hef ég ávallt haldið með Liverpool, einfaldlega vegna þess að þeir voru góðir þegar ég byrjaði að fylgjast með fótbolta.

Ég var þónokkuð heppnari en til dæmis Gunnar Narfi vinur minn, sem heldur með Everton, en þeir voru með gott lið á svipuðum tíma. Ef ég hefði verið óheppinn hefði ég getað asnast til að halda með Everton, Norwich eða einhverjum ámóta sorglegum liðum, sem voru góð þegar ég var 8-9 ára gamall.

Ég held með fulltaf lélegum liðum í öðrum deildum og íþróttum. Ég held til dæmis með Stjörnunni á Íslandi af því að ég ólst uppí Garðabænum. Stjarnan hefur aldrei unnið neitt (nema frægan Íslandsmeistaratitil í fótbolta í 5.flokki, sem er án efa hátindur frekar slapps knattspyrnuferils míns). Það er þó engin sérstök dyggð að halda með þessu slappa liði heldur einfaldlega óheppni. Sama gildir með Stefán og Stefán og aðdáun þeirra á QPR og Luton.

Núna er ég nokkurn veginn búinn að jafna mig eftir tapið á sunnudag fyrir Manchester United. Það var svo langt síðan Liverpool tapaði fyrir United að ég var búinn að gleyma hvernig tilfinningin væri, en hún er slæm.

Það versta við þetta er einna helst að einn af fjórum bestu Liverpool leikmönnunum, Jerzy Dudek (hinir eru Hyppia, Hamann og Owen) gaf United sigurinn. Dudek er allt í einu búinn að læra hvernig á að gera mistök. Ég var sannfærður eftir síðasta keppnistímabil að hann væri hinn fullkomni markvörður, því hann gerði aldrei mistök. Svo spilaði hann með þessu glataða pólska landsliði á HM og eftir það virðist sjálfstraustið ekki vera eins gott og áður. Núna er Dudek alltíeinu búinn að klúðra fjórum leikjum fyrir Liverpool. Hefði hann leikið einsog hann best getur síðasta mánuð, þá væru Liverpool á toppnum í ensku deildinni og ennþá í Meistaradeildinni.

Það er ljóst að honum er enginn greiði gerður með því að láta hann halda sæti sínu í liðinu. Þess vegna er sennilega best að láta Chris Kirkland taka sæti hans næstu vikurnar. Ég hef þó ennþá það mikla trú á Dudek að ég trúi því að hann muni aftur endurheimta sætið sitt í Liverpool liðinu (nema Kirkland sé eins góður og margir telja hann vera), því Dudek er á besta aldri fyrir markmann.

Einna leiðinlegast við þetta allt er að nú er Sander Westerveld farinn að tjá sig eitthvað og segir að þetta sé allt Houllier að kenna og líkir ástandi sínu við það, sem Dudek er í núna. Þetta er náttúrulega bara rugl. Þrátt fyrir að Westerveld sé góður markmaður og ég hafi haldið uppá hann, þegar hann var hjá Liverpool, þá er Dudek einfaldlega miklu betri markmaður. Þessu blaðri Westerveld er svarað vel í pistli á heimasíðu Liverpool, sem heitir því skemmtilega nafni: "Shut Up Sander!"

Jammm, ótrúlegt en satt þá er nágranni minn, Guðni Ágústsson vinsælasti ráðherra landsins. Af hverju í ósköpunum? Getur einhver nefnt mér einn hlut, sem hann hefur framkvæmt landsmönnum til hagsbóta síðustu fjögur ár??

Ágúst Flygenring skrifar hugleiðingu um þetta á Frelsi.is. Hann skilur heldur ekki neitt í þessum vinsældum Guðna. Ég horfði á Guðna í Kastljósinu á mánudag, þar sem hann snéri útúr öllum spurningum þáttastjórnenda. Þegar hann var spurður útí hátt verð á landbúnaðarvörum gaf hann það í skyn (einsog vaninn er hjá flestum ráðherrum þessarar ríkisstjórnar) að þetta væri allt kaupmönnum að kenna (hann gleymdi þó að minnast á Baug). Þetta er náttúrulega bara bull.

Það fer líka einstaklega mikið í taugarnar á mér þegar Guðni kemur með þetta rugl um að íslenskar landbúnaðarvörur séu svo obbbbboslega góðar. Hvaða rugl er þetta? Kjúklingarnir, sem ég kaupi útí Melabúð er alveg jafn góðir og þeir, sem ég keypti í Jewel búðum í Chicago. Munurinn er bara sá að kjúklingarnir í Chicago voru margfalt ódýrari. Ég rek veitingastað og fyrir tveimur vikum hættum við alltíeinu að fá íslenska tómata og fengum erlenda í staðinn. Trúið mér, það tók enginn eftir þessum skiptum, enda eru þessir erlendu tómatar alveg jafn góðir. Það er ekkert "töfrabragð" í íslenskum landbúnaðarvörum. Munurinn á þeim og evrópskum og bandarískum landbúnaðarvörum er bara sá að þær íslensku eru dýrari.

Núna er ég nokkurn veginn búinn að jafna mig eftir tapið á sunnudag fyrir Manchester United. Það var svo langt síðan Liverpool tapaði fyrir United að ég var búinn að gleyma hvernig tilfinningin væri, en hún er slæm.

Það versta við þetta er einna helst að einn af fjórum bestu Liverpool leikmönnunum, Jerzy Dudek (hinir eru Hyppia, Hamann og Owen) gaf United sigurinn. Dudek er allt í einu búinn að læra hvernig á að gera mistök. Ég var sannfærður eftir síðasta keppnistímabil að hann væri hinn fullkomni markvörður, því hann gerði aldrei mistök. Svo spilaði hann með þessu glataða pólska landsliði á HM og eftir það virðist sjálfstraustið ekki vera eins gott og áður. Núna er Dudek alltíeinu búinn að klúðra fjórum leikjum fyrir Liverpool. Hefði hann leikið einsog hann best getur síðasta mánuð, þá væru Liverpool á toppnum í ensku deildinni og ennþá í Meistaradeildinni.

Það er ljóst að honum er enginn greiði gerður með því að láta hann halda sæti sínu í liðinu. Þess vegna er sennilega best að láta Chris Kirkland taka sæti hans næstu vikurnar. Ég hef þó ennþá það mikla trú á Dudek að ég trúi því að hann muni aftur endurheimta sætið sitt í Liverpool liðinu (nema Kirkland sé eins góður og margir telja hann vera), því Dudek er á besta aldri fyrir markmann.

Einna leiðinlegast við þetta allt er að nú er Sander Westerveld farinn að tjá sig eitthvað og segir að þetta sé allt Houllier að kenna og líkir ástandi sínu við það, sem Dudek er í núna. Þetta er náttúrulega bara rugl. Þrátt fyrir að Westerveld sé góður markmaður og ég hafi haldið uppá hann, þegar hann var hjá Liverpool, þá er Dudek einfaldlega miklu betri markmaður. Þessu blaðri Westerveld er svarað vel í pistli á heimasíðu Liverpool, sem heitir því skemmtilega nafni: "Shut Up Sander!"

Blaðið US News er búið að gefa út nýjan lista yfir bestu háskóla í Bandaríkjunu, en þetta er vanalega sá listi, sem flestir horfa til þegar háskólar eru bornir saman.

Ég er náttúrulega stoltur yfir því að minn gamli skóli, Northwestern er kominn uppí 10 sæti, við hlið Columbia en Northwestern var í 12. sæti í fyrra. Það er gaman að því að Northwestern er kominn upp fyrir University of Chicago.

Annars lítur listinn svona út:

Allur listinn er hér

Fox sjónvarpsstöðin, sem hefur gert þætti einsog "Whoe wants to marry a multi-millionaire" er að hefja sýningar á nýjum þætti, Joe Millionaire í Bandaríkjunum.

Þátturinn byggist upp á svipaðan hátt og "The Bachelor", það er 20 konur berjast um einn mann, sem á 50 milljónir dollara. Eða það halda konurnar. Málið er að í raun er maðurinn bara smiður. Í þættinum er það látið líta út sem hann sé milljónamæringur en í lokaþættinum mun konunni, sem hann velur, vera tjáð að hann sé bara smiður en ekki multi-milljónamæringur. Þannig að þá kemur í ljós hvort allar ástarjátningarnar (sem munu væntanlega koma frá konunum) breytast eitthvað við þær fréttir. Góð hugmynd? Ég veit ekki.