Ó Dísus Kræst! Er þetta Hannesar Hólmsteins - Halldórs Laxness mál komið aftur í fréttirnar? Er einhverjum öðrum en Hannesi og bókmenntafræðingum ekki drullusama um þetta allt?

Kræst!

Ó Dísus, næsta fréttin um hvalveiðar. Hvar endar þetta?

Annars finnst mér reyndar magnað að Hannesi hafi ekki tekist að kenna annaðhvort Jóni Ólafs eða Jóni Ásgeir um þessa herferð gegn sér.

Einsog alltaf á þriðjudagskvöldum horfði ég á Queer Eye. Í miðjum þættinum voru Thom og Ted að versla í IKEA. Skyndilega fékk ég hroðalegt flashback. Þegar þeir voru á leiðinni út ákvað Ted að kaupa ísmolabox, sem honum fannst voða sætt. Það sem Ted vissi hins vegar ekki er að þetta ísmolabox er hannað af Satan!

Þegar ég bjó með Hildi útí Bandaríkjunum keypti Hildur svona ísmolabox. Henni, líkt og Ted, fannst ýkt krúttulegt að eiga ísmola í alls konar lögum. Þetta ísmolabox var nálægt því að vera það eina, sem við gátum verið ósammála um. Ég hataði það meira en pláguna. Mér er reyndar til efs um að ég hafi hatað neinn hlut á jafn mikið á ævinni. Kannski að kraninn í eldhúsinu hérna á Hagamel komist nálægt því, því hann hefur einstakt lag á að byrja að leka þegar ég er að horfa á sjónvarpið.

Ísmolaboxið er nefnilega úr gúmmíi. Það veldur því að í stað þess að losna þegar maður ýtir á þá, þá loða ísmolarnir við IKEA boxið. Þannig að til að ná einum stjörnu- eða hjartalaga ísmola þarf maður að beygja boxið fram og tilbaka í 2 mínútur. Þetta hljómar kannski ekki of erfitt, en þetta ísmolabox komst ansi nálægt því að gera mig sturlaðan.

Ég elska IKEA en þessi ísmolabox eru af hinu illa! Satan hannaði samstæðuna í stofunni minni og ísmolaboxin hjá IKEA.

Annars var Queer Eye góður. Ég held að mér finnist Thom núna vera fyndnari en Carson. Þeir eru snillingar.

Ok, þetta er hætt að vera fyndið. Eftir að ég tapaði allri tónlistinni minni (sem gæti reyndar reddast - harði diskurinn minn er útí Englandi), þá var einn af fáum diskum sem reddaðist, Escapology með Robbie Williams, sem ég hafði reddað á netinu fyrir einhverjum vikum. Vegna skorts á tónlist ákvað ég að gefa honum sjens.

Dálæti mitt á Justin Timberlake hefur verið tíundað á þessari síðu áður. Ég hef ávallt fyrirlitið strákabönd, en það virðist hins vegar svo vera sem að meðlimir þessara banda þurfi ekki að vera algjörlega hæfileikalausir. Justin sannar það og svo er ég ekki frá því að ég fíli bara nokkur lög á Robbie Williams plötunni. Það eru nokkur helvíti grípandi lög inná milli. What the hell is wrong with me?

Annars eru þessi lög í keyrslu núna:

• The Darkness - Love is Only a Feeling (Eru The Darkness mestu töffarar í heimi? Ég held það hreinlega. Hvernig er hægt að elska ekki hljómsveit sem gefur út plötu með lögunum “I believe in a thing called love”, “Love is only a feeling” og “Love on the rocks with no ice”? Getur þetta verið meira yndislega hallærislegt?)
• Franz Ferdinand - Dark of the Matinee (“Time every journey, to bump into you, accidentally” Þvílík snillld!)
• Robbie Williams - Hot Fudge
• Electric Six - Nuclear War (frábært band)

Annars setti ég myndir í framköllun til útlanda í gegnum netið vegna þess að þessi þjónusta er svo hrikalega dýr hjá Hans Petersen. Þetta kom ágætlega út. Sendi alls um 150 myndir. Það skemmtilegasta er að allar myndirnar komu til baka í ENGRI RÖÐ! Það þýðir að ég get dundað mér næstu kvöldstundir við að koma þessum myndum í tímaröð. Ég verð spenntur bara við tilhugsunina.

Jens skrifar loksins um laugardaginn og vísar meðal annars á ræðuna, sem var prýðisgóð.

Þrátt fyrir að hann búi hjá framsóknarfjölskyldu, þá skilur hann ekki heldur neitt í þeim framsóknarmönnum sem héldu ræður þarna.

Skilur einhver framsóknarmenn? Já, og skilur einhver ungt fólk, sem gengur í unga framsóknarmenn eða ungt fólk í frjálslynda flokknum?

Jensi fékk mig til að mæta á samkomu á Seltjarnarnesi í gær. Þar voru fulltrúar frá ungliðahreyfingum allra stjórnmálaflokkana til umræðna um ýmis mál. Aðallega hafði ég áhuga á umræðu um ríkisstyrki til menningarmála, enda Jens með fyrirlestur um það málefni fyrir unga jafnaðarmenn.

Ég er mjög fylgjandi því að farin verði sú leið, sem Jens leggur til. Það er að ríkið minnki sem mest afskipti sín til menningarmála, en geri á sama tíma ráðstafanir til að hvetja einstaklinga og fyrirtæki til að gefa til menningarmála. Til dæmis með því að fólk sé veittur skattaafsláttur fyrir framlög sín, svipað og er gert í Bandaríkjunum. SUS-arar lögðu auðvitað til að hætta öllum ríkisafskiptum. Það sem vantar hins vegar alltaf inní þeirra málflutning er það hvernig á að koma á þeim kúltúr að einstaklingar gefi í auknum mæli til menningar. Þar held ég að skattaafslættir fyrir framlög væri sniðug hugmynd. Vonandi skrfiar Jens meira um þetta á síðunni sinni

Allavegana, gaurinn frá SUS var góður. Hann og Jens báru af í þessum hópi, þar sem hinir voru hálf heillum horfnir, sérstaklega fulltrúi VG þegar hún var grilluð af hópi SUS-ara úr sal.

Samkvæmt framsögumanni framsóknarmanna þá hafa ríkisstyrkir til menningar eitthvað með fjölda barnaníðinga að gera. Ég náði aldrei almennilega tengingunni, enda skil ég ekki framsóknarmenn og mun sennilega aldrei gera.

Ég var frekar þunnur og þreyttur á fyrirlestrinum enda hafði ég verið í skemmtilegu matarboði kvöldið áður. Þar spilaði ég m.a. og söng á falskasta gítar í heimi. Gítarhæfileikar mínir eru óumdeilanlega engir.

Samt ákvað ég að kíkja líka um kvöldið á Nesið, þar sem sama fólk sameinaðist um fyllerí. Þetta var skrítin en skemmtileg samkoma. Það er til dæmis ótrúlega fyndið að sjá útlits- og framkomumun á fólk eftir því hvaða stjórnmálaflokk fólk tilheyrir. Einna skrautlegastur var einhver gaur frá VG, sem söng ítalska kommúnistasöngva.

Allavegana var það alveg fáránlega súrealískt að ein sætasta stelpan á staðnum skyldi vera formaður ungra frjálslyndra!!! Ungra Frjálslyndra!!! Hvað það er sem fær tvítugar stelpur til að ganga í frjálslynda flokkinn er ofar mínum skilningi. Allavegana gafst mér því miður ekki að nota nýju pikk-öpp línuna mína:

“Hæ! Ég hata kvótakerfið. Kemurðu oft hingað?”

Anyhooo, við fórum svo á Ölstofu Kormáks og Skjaldar, sem er staður sem ég skil hvorki upp né niður í. Náðí ekki alveg að fatta hvað það er sem heillar fólk við þennan stað. Gáfumst upp og kíktum á Prikið. Áttaði mig á því að það er alveg fáránlega mikið af sætum stelpum á Prikinu! Samt fatta ég Prikið ekki heldur sem skemmtistað. Reyndar góð tónlist, en það eina sem fólk virðist gera er að reyna að troða sér frá öðrum enda staðarins til hins.

Þess má til gamans geta að í bænum í gær var 57 stiga frost.

Í fréttum útvarps gær heyrði ég frétt, sem var eitthvað á þessa leið:

1 milljón Ítala lögðu niður vinnu í dag, meðal annars til að mótmæla stöðnun í atvinnulífinu og minnkandi hagvexti.

Þarf maður að vera hagfræðimenntaður til að finnast þetta alveg ofboðslega fyndið?

Hvort er meira pirrandi?:

Nýja Þjónustufulltrúa-auglýsingin frá Íslandsbanka
... eða
Páska- og jóla-auglýsingarnar með syngjandi stelpunni fyrir malt og appelsín?

Ha, ég pirraður eftir Liverpool tap?

Allir vita að samkvæmt Gerard Houllier þá leika Liverpool aldrei illa og einnig þá tapa þeir aldrei útaf slæmum leik sínum. Ávallt eru það utanaðkomandi ástæður og ósanngirni þessa lífs, sem veldur tapleikjum hjá Liverpool.

Núna eru Liverpool dottnir út úr Evrópukeppninni, sem var eina von Liverpool til að bjarga þessu ömurlega keppnistímabili. Houllier verður því að vera snöggur til að finna afsakanir.

Ég ætla að hjálpa Gerard aðeins. Hérna eru nokkrar mögulegar afsakanir:

• Dómarinn var lélegur (reyndar hefur Houllier loksins eitthvað til síns máls ef hann notar þá afsökun)
• Völlurinn var lélegur
• Leikmennirnir voru þreyttir af því að þeir spiluðu við stórlið Wolves um síðustu helgi
• Liverpool ætla að einbeita sér að deildinni og vilja ekki þessa truflun, sem Evrópukeppnin óneitanlega er
• Það var svo kalt að trefillinn dugði ekki til að halda hita á Houllier
• Michael Owen meiddist og það breytti öllu.
• Houllier gat ekki komið skipunum inná völlinn vegna láta
• Það var ósanngjarnt af UEFA að draga þá gegn Marseille. Mun sanngjarnara hefði verið að lenda aftur á móti áhugamannaliði frá Austur-Evrópu
• Nýji Evrópumótsboltinn var notaður og Liverpool geta ekki notað hann
• Liverpool fékk ekki að hafa Carlsberg auglýsinguna á búningunum.
• Það var bara einn Steven Gerrard í liðinu. Ef þeir hefðu verið 10, þá hefði Liverpool malað þetta.

Þetta ætti að vera nóg. Þetta bloooody tímabil getur ekki endað nógu fljótt.

Houlllier, hættu núna, plís!

AF HVERJU Í FOKKING ANDSKOTANUM ER EMILE HESKEY Í BYRJUNARLIÐINU OG MILAN BAROS Á BEKKNUM???

Já, og af hverju í ósköpunum eru DANNY MURPHY og IGOR BISCAN í liðinu. Magnað hvað bjartsýnistilfinningin hverfur hjá mann.i þegar maður sér þessa þrjá trúða í liðinu. Hvernig í andskotanum á Liverpool að vinna leiki með þessa menn í byrjunarliðinu?

Allir vita að samkvæmt Gerard Houllier þá leika Liverpool aldrei illa og einnig þá tapa þeir aldrei útaf slæmum leik sínum. Ávallt eru það utanaðkomandi ástæður og ósanngirni þessa lífs, sem veldur tapleikjum hjá Liverpool.

Núna eru Liverpool dottnir út úr Evrópukeppninni, sem var eina von Liverpool til að bjarga þessu ömurlega keppnistímabili. Houllier verður því að vera snöggur til að finna afsakanir.

Ég ætla að hjálpa Gerard aðeins. Hérna eru nokkrar mögulegar afsakanir:

• Dómarinn var lélegur (reyndar hefur Houllier loksins eitthvað til síns máls ef hann notar þá afsökun)
• Völlurinn var lélegur
• Leikmennirnir voru þreyttir af því að þeir spiluðu við stórlið Wolves um síðustu helgi
• Liverpool ætla að einbeita sér að deildinni og vilja ekki þessa truflun, sem Evrópukeppnin óneitanlega er
• Það var svo kalt að trefillinn dugði ekki til að halda hita á Houllier
• Michael Owen meiddist og það breytti öllu.
• Houllier gat ekki komið skipunum inná völlinn vegna láta
• Það var ósanngjarnt af UEFA að draga þá gegn Marseille. Mun sanngjarnara hefði verið að lenda aftur á móti áhugamannaliði frá Austur-Evrópu
• Nýji Evrópumótsboltinn var notaður og Liverpool geta ekki notað hann
• Liverpool fékk ekki að hafa Carlsberg auglýsinguna á búningunum.
• Það var bara einn Steven Gerrard í liðinu. Ef þeir hefðu verið 10, þá hefði Liverpool malað þetta.

Þetta ætti að vera nóg. Þetta bloooody tímabil getur ekki endað nógu fljótt.

Houlllier, hættu núna, plís!

AF HVERJU Í FOKKING ANDSKOTANUM ER EMILE HESKEY Í BYRJUNARLIÐINU OG MILAN BAROS Á BEKKNUM???

Já, og af hverju í ósköpunum eru DANNY MURPHY og IGOR BISCAN í liðinu. Magnað hvað bjartsýnistilfinningin hverfur hjá mann.i þegar maður sér þessa þrjá trúða í liðinu. Hvernig í andskotanum á Liverpool að vinna leiki með þessa menn í byrjunarliðinu?

Ég og PR fórum á Damien Rice á Nasa síðasta föstudag. Gummijóh og hagfræðingurinn, sem má ekki linka á, hafa fjallað ágætlega um tónleikana.

Ég verð að viðurkenna að þetta var svo miklu miklu betra en ég átti von á. Vissulega er “O” fínn diskur með sæmilega grípandi lögum, en ég bjóst ekki við neinni flugeldasýningu.

Þess vegna var svo ótrúlega gaman að upplifa þessa mögnuðu tónleika. Rice setti gríðarlegan kraft í lögin með því meðal annars að nota hljóðeffekta á frábæran hátt. Það var bara eitthvað við framkomuna, sönginn og kraftinn sem var alveg magnað. Það er auðvitað hneyksli að líkja “O” við “Grace” með Buckley en hins vegar hefur maður á tilfinningunni að Rice geti átt eitthvað í Buckley með árunum.

Eina sem skemmdi fyrir þessu voru glamgellurnar á barnum, sem voru símalandi og pantandi kokteila. Lögin eru sum hver það róleg að það þurfti algjöra þögn á staðnum.

En það skemmdi þó ekki fyrir þessum tónleikum. Sannarlega með bestu tónleikum, sem ég hef farið á. Damien Rice er sko rétt að byrja.

Ok, þetta verður hugsanlega leiðinlegasta færsla allra tíma. Smá prófun á Markdown, sem Már talar svo vel um.

Usssss, hvað þetta er búinn að vera erfiður dagur. Þegar ég er farinn að rífast, þá er tími til kominn að fara að sofa. 12 tíma vinnudagur eftir 4 tíma svefn er ekki sniðugur fyrir mig. Sérstaklega ekki ef að dagurinn felur í sér jafnmikið vesen og stress og dagurinn í dag.

Fór á Raekwon á Gauknum í gær með K og J. Þetta voru einhverjir allra stystu tónleikar sem ég hef farið á. Raekwon hefði alveg mátt spara þær yfirlýsingar um það að gestir tónleikanna myndu aldrei hafa séð annað eins.

Tónleikarnir voru mjög góðir. Hann keyrði áfram svona 45 mínútna prógram sem var snilld. En prógramið var bara 45 mínútur og eftir það fór Raekwon að reyna að selja einhvern varning á borði á Gauknum. Það er augljóst að hann hefur ekki lagt neitt alltof mikið til hliðar af þeim peningum sem Wu-Tang hljóta að hafa fengið fyrir 36 Chambers.

En semsagt, fín kvöldstund.

Núna held ég að ég leggi mig og reyni að endurheimta eitthvað af orku minni. Klukkan 10.30 er það svo Damien Rice á NASA. Það verður ábyggilega gaman.

Raekwon í kvöld og Damien Rice á morgun. Svona á þetta að vera! Þetta er dagur hinna stuttu færslna.

Og sem gamall Verzlingur: Takk Borgarholtsskóli!

Jammmm, fólk er misgáfað (Windows Media 4mb - via MetaFilter)

Úff, var að heyra hvað ég gerði og sagði á djamminu á föstudaginn. Það var ekki skemmtileg saga. Vissi að ég hefði ekki átt að brjóta þá grundvallarreglu að reyna ekki við stelpu þegar ég væri fullur. Mamma sagði mér þetta einu sinni, en ég er alltaf að klikka á þessu. Ég veit að ég ætti alltaf að hlusta á mömmu, enda er hún snillingur.

Það er komin mikil og góð umræða á Liverpool spjallborðinu um pistilinn minn. Þetta Liverpool spjallborð frústrerar mig, því það er alltof mikið af illa skrifandi fólki, sem hefur lítið annað fram að færa en "Houllier er snillingur" eða "Houllier sökkar" eða "United sökkar" eða "Liverpool rúlar". Inná milli er þó fullt af góðu fólki, sem hefur bæði vit á fótbolta og sannan áhuga á málefnum Liverpool.

Fyrir næsta tímabil langar mig dálítið að stofna vefmiðil um Liverpool. Eins konar fjölmennt Liverpool blogg. Það eru fullt af ágætum mönnum þarna úti (bloggurum og öðrum), sem gætu skrifað fullt af góðum hlutum um Liverpool. Þarna væri gaman að setja inn slúðrið og reyna að skapa sæmilega siðaða umræðu um liðið.

Már skrifar góðan og áhugaverðan um það hvernig hann óttist að vinur sinn sé að leiðast útí eiturlyfjaneyslu og hver viðbrögð hans eigi að vera. Pistillinn er góður og hann varpar fram ágætis spurningum, en Már er svo lúmskur á því og lokar fyrir komment. Það er visst statement og getur verið áhrifamikið að loka fyrir komment á vissar færslur. Þetta er eiginlega dálítið áhrifaríkt stílbragð. Ef hann lokaði á færslurnar óvart, þá tek ég þetta auðvitað allt til baka.

Ég verð með útlending í vinnunni á morgun, sem þýðir að maður fer eitthvað útað borða annað kvöld. Það er ágætt því ég er búinn að fá mig fullsaddan af grilluðum kjúkling, Oxpytt og vondum kínamat, sem ég er búinn að vera að borða hérna undanfarna daga. Hef verið að reyna ýmsa asíska staði og hef ekki verið hrifinn. Sem veitingahúsaeigandi er ég náttúrulega fáránlega passífur á gagnrýni, því ég veit hversu þetta er allt erfitt, en samt. Mér finnst vanta einhvern virkilega góðan asískan stað. Já, og ódýran líka. Sem byði uppá eitthvað annað en súrsætar rækjur í aðalrétt.

Stórkostlegustu vonbrigðin voru samt Stonebaked pizza frá Freschetta. Ég sá hana útí matvörubúð og var sannfærður um að þetta myndi standast bestu Eldsmiðjupizzum snúning, því myndin utaná var svo flott. En pizzan var vond og vonbrigðin ógurleg. Held mig við venjulegar Freschetta pizzur, sem eru fínar.

Ja hérna, hryðjuverkamennirnir unnu! Ok, kannski ekki alveg. En Sósíalistar unnu kosningarnar á Spáni. Þrátt fyrir ótrúlegan efnahagsbata og almennt gott ástand á Spáni ákváðu kjósendur að spreningarnar í Madrid væru Íraksstríðinu að kenna og felldu ríkisstjórnina. Ég var á Spáni fyrir tæpri viku og þá voru allir handvissir um að Íhaldsmenn myndu sigra kosningarnar, spurningin væri einungis með hversu miklum mun.

Það er sennilega erfitt að finna augljósara dæmi um að hryðjuverk hafi haft jafn bein áhrif á kosningar. Magnað!

Talandi um léleg cover lög. Á PoppTV sá ég 311 vera að spila eitt af mínum uppáhaldslögum, Lovesong. Þetta lag er upphaflega með The Cure og er á einni af mínum uppáhaldsplötum, Disintigration.

Allavegana, hérna getiði nálgast upprunalegu The Cure útgáfuna: Love Song (mp3). Þessi útgáfa er svo miklu betri en 311 cover-útgáfan að það er ekki fyndið.

Þetta er fullkomið lag til að hlusta á sunnudagskvöldi. Reyndar er öll Disintegration fullkomin hlustun á svona kvöldum.

Af því að ég elska Liverpool heitar en nokkuð annað íþróttalið þá get ég ekki lengur þolað það að liðinu sé stjórnað af óhæfum Frakka, sem gefur leikmönnum, sem ættu aldrei að spila fyrir Liverpool, endalaus tækifæri.

Liverpool liðið er núna í 7. sæti, 31 stigi á eftir Arsenal, þegar að það er aðeins búið að spila 28 leiki í deildinni. Þessi munur er svo skuggalegur að það er ekki einu sinni fyndið. Liðið er ófært um að afgreiða lakari lið, einsog sást vel í leiknum gegn Southampton í dag.

Hér eru mínar tillögur um það hvernig hugsanlega sé hægt sé að bjarga þessu liði fyrir næstu leiktíð.

Nidra Poller, bandarískur rithöfundur, sem hefur búið í París undanfarin 30 ár, er flutt aftur til Bandaríkjanna. Ástæðan? Gyðingahatur í Frakklandi hefur aukist svo mikið að Gyðingar óttast um líf sitt í borginni. Poller skrifar góðar ritgerð um ástandið: Betrayed by Europe

Sjá einnig athyglisverðar fréttaskýringar frá BBC: French Jews leave with no regrets og France tackles school anti-Semitism. (via MeFi)

Af því að ég elska Liverpool heitar en nokkuð annað íþróttalið þá get ég ekki lengur þolað það að liðinu sé stjórnað af óhæfum Frakka, sem gefur leikmönnum, sem ættu aldrei að spila fyrir Liverpool, endalaus tækifæri.

Liverpool liðið er núna í 7. sæti, 31 stigi á eftir Arsenal, þegar að það er aðeins búið að spila 28 leiki í deildinni. Þessi munur er svo skuggalegur að það er ekki einu sinni fyndið. Liðið er ófært um að afgreiða lakari lið, einsog sást vel í leiknum gegn Southampton í dag.

Hér eru mínar tillögur um það hvernig hugsanlega sé hægt sé að bjarga þessu liði fyrir næstu leiktíð.

Þessi cover útgáfa af einu af mínum uppáhaldslögum: Comfortably Numb. Ég heyrði þetta á FM í dag. Að mínu mati væri réttast að skjóta alla meðlimi þessarar hljómsveitar fyrir þessa nauðgun á þessu yndislega lagi.

Allavegana, ég er búinn að vera þunnur í allan fokking dag. Viðbjóðslegasta þynnka sem ég hef verið með lengi. Ekki bætti það úr skák að ég er að reyna að selja rúmið mitt og einhver kona sagðist ætla að koma og skoða það. Þess vegna þurfti ég að fara frammúr og líða vítiskvalir á meðan ég beið eftir þessari konu, sem kom ALDREI

By the way, ég er semsagt að selja Serta Queen Size dýnu. Ég er tilbúinn að selja hana á 15.000 kall, sem er ekki neitt. Aðallega bara vegna þess að ég vill losna við hana útúr íbúðinni. Dýnan kostar ný um 70.000 kall hérna heima.

Allavegana, ég var með vini mínum á djammi í gær. Þetta átti ekki að verða djamm. Við kíktum á opnun á De Palace, nýjum djass bar, sem var að opna við hliðiná Serrano í Hafnarstræti. Mér líst vel á staðinn og vona að þetta gangi. Þarna var ókeypis bjór og ætluðum við að fá okkur einn eða tvo, en stelpan á barnum var svo sæt og bjórinn var svo rosalega ókeypis að við ílengdumst á staðnum og enduðum á að fá okkur aðeins fleiri en tvo bjóra. Fórum svo á Hverfis, þar sem var fínt. Af einhverjum undarlegum ástæðum hitti ég fullt af fólki úr Garðabæ, sem ég hef ekki hitt heillengi í gær. Finnst ykkur það ekki merkilegt?

Já, og ég veit að ég minntist á það fyrir rúmri viku, en ég vil bara segja það aftur. Franz Ferdinand er SNILLDARBAND!

Ef einhver þarna úti þekkir kynninn á Skjá Einum viljiði þá koma einu til hans?

Gætiði beðið hann um að segja bara "Jay Leno" í staðinn fyrir "Jaaaaaaaaaaaay Leno". Þetta fer voðalega í taugarnar á mér.

Já, og ég er svoooo sammála þessu. Það að skipta Biscan inná þegar 5 mín. voru eftir í 1-1 leik, segir allt sem þarf að segja um fótboltavit franska hálfvitans sem stjórnar Liverpool.

Takk fyrir og góða nótt.

Einhvern veginn líður mér einsog ég hafi verið í útlöndum í heillangan tíma, þrátt fyrir að á endanum hafi ég bara verið í 3 daga.

Síðasta laugardag fengu vinir mínir þá snilldarhugmynd að djamma akkúrat daginn áður en ég átti að fljúga út. Ég lét það þó ekki hindra mig, heldur fór á Hverfisbarinn. Þar upplifði maður skemmtilega og ekki svo skemmtilega hluti einsog vanalega. Samt, mjög fínt kvöld sko.

Þegar ég var á barnum eitt skiptið, þá kom uppað mér stelpa sem ég hafði aldrei séð áður og spurði hvort ég væri sá, sem væri með eoe.is. Ég sagði já, og fór hún þá að segja mér að vinkona hennar (sem var að hennar sögn ýkt sæt) væri skotin í mér eftir að hafa lesið síðuna í einhverja mánuði. Þetta var einhver sú allra súrealískasta stund sem ég hef upplifað á Hverfisbarnum. En samt gaman sko.

Jæja, ég var á Hverfis til 4. Klukkan 4.15 var ég kominn heim að sofa. Klukkan 5 var ég vaknaður og hálftíma síðar á leiðinni útá flugvöll.

Þetta var svosem ekki merkileg ferð. Við vorum í Barcelona í tvo daga, fórum á sýningu á mánudaginn. Ég elska Barcelona og um leið og ég kom niðrí miðbæ rifjuðust upp fyrir mér fulltaf góðum minningum frá þessari borg. Það eru svo sem ekki margar borgir, sem mig langar að búa í, en Barcelona er ein af þeim. Ólíkt til dæmis London, þá höfðar allt í Barcelona til mín.

Allavegana, veðrið var fínt og ég var sáttur. Ég er þó að fara til Barcelona eftir rúman mánuð í aðra vinnuferð, þannig að ég ætla að túristast eitthvað um borgina þá.

Gærdeginum eyddi ég svo í London. Til að nýta daginn betur tók ég næturflugið heim og því gat ég eytt deginum í London. Kíkti niðrí miðbæ og verslaði eitthvað af fötum þar.

London er ekki ennþá að heilla mig. Sennilega er stór partur af ástæðunni sá að í borginni eru ENGAR sætar stelpur. Ég labbaði og labbaði og labbaði en sá enga sæta stelpu allan daginn. Það var ekki fyrr en við vorum komin inní Icelandair vél, að maður sá aftur sæta stelpu, en ein flugfreyjanna var æði. Ef ég hefði verið í einhvern lengri tíma í London þá hefði ég sennilega stokkið á flugfreyjuna og faðmað hana.

Ólíkt stelpum í London eru stelpur í Barcelona hins vegar sætar. Sérstaklega voru stelpurnar á sýningunni sætar. Það er alltaf sama sagan að básarnir eiga greinilega að höfða til karlmanna, sérstaklega þá bjórbásarnir. Það er almenn regla að sætustu stelpurnar eru alltaf á bjórbásunum. En þetta virðist virka. Til dæmis var bás Mjólkursamsölunnar valinn flottasti básinn á Matur 2004. Ég leyfi mér að fullyrða að það var einfaldlega vegna þess að stelpan í samkvæmiskjólnum, sem var að gefa Aloe Vera drykkinn, var geðveikt sæt.

Anyhow, talandi um staffið í fluginu. Flugmaðurinn sem flaug með okkur er hetja. Ég er ennþá alltaf pínku flughræddur og því var það ótrúlega gott að flugmaðurinn varaði okkur alltaf við áður en við lentum í hristingi og tók fram að það hefði ekkert með öryggi að gera. Þetta gerði hann til að mynda fyrir lendinguna, sem fór fram í brjáluðu veðri og þessi stuttu ummæli frá honum hjálpuðu mér mikið. Fleiri flugmenn mættu taka sér þetta til fyrirmyndar.

Kláraði tvær bækur í ferðinni, báðar ferðasögur eftir Bill Bryson, sem er mikill snillingur. Las The Lost Continent (þar sem hann flakkar á milli smábæja í Bandaríkjunum) og Neither here nor there (þar sem hann ferðast um í Evrópu) og eru báðar bækurnar alveg hrikalega fyndnar. Mæli með þeim fyrir alla, sem finnst gaman að ferðast. Já, og reyndar fyrir alla sem finnst gaman af fyndnum bókum.

Ok, ég er að fara í fyrramálið út til Barcelona í bissnes ferð.

Sem þýðir að þessi síða verður ekki uppfærð fyrr en í fyrsta lagi næsta fimmtudag. Bæjó!

Jæja, nýtt tímabil byrjað af Batchelor snilldinni. Sé ekki alveg hvað er svona æðislegt við þennan Bob, en hvað veit ég. Gaurinn er skemmtilegur og ætti að virka nokkuð vel sem fókuspunktur þáttanna.

Enn og aftur sanna þessir þættir fyrir okkur karlmönnum að það er nóg af alveg hræðilega desperate, sætum stelpum þarna úti. Sú besta ætlaði að vera búin að gifta sig 24 ára, en hún er einmitt 24 ára núna. Ég myndi forðast hana einsog heitan eldinn. Ekki það að ég hafi eitthvað á móti hjónaböndum, en hún gæti verið orðin aðeins of desperate víst hún hefur innan við ár til að finna sér maka.

Annars voru stelpurnar, sem voru margar hverjar bara nokkuð sætar, alveg að tapa sér yfir þessu öllu. Þegar gaurinn gekk inn hrópuðu þær allar og klöppuðu í takt.

Einhvern veginn hefur það alltaf verið draumur minn að ganga inní herbergi fullt af sætum stelpum og að þær syngi allar í kór:

"Einar, Einar, Einar, Einar, Einar"

Mikið væri það gaman. Þær gætu svo allar sagt mér hvað ég væri sætur og skemmtilegur. Á um það bil þeim tímapunkti myndi hausinn á mér springa.

Daginn í dag byrjaði ég á námskeiði í því hvernig á að glíma við mikið álag í vinnu. Einsog eftir pöntun varð tíminn eftir hádegi hreinasta martröð. Ég hef sjaldan afgreitt jafn mörg mál á jafn stuttum tíma. Síminn var orðinn svo slæmur á tíma að ég lokaði fyrir öll símtöl bara til að ég gæti einbeitt mér í fimm mínútur.

Samt, þá elskaði ég hverja mínútu. Ótrúlegt hvað maður hleðst upp af orku þegar það er svona brjálað að gera.

Á morgun á ég bókaða 6 fundi. Það er að ég held persónulegt met. Þetta hleðst upp því ég er að fara til Barcelona á sunnudaginn. Ég vildi að þetta væri skemmtiferð en svo er ekki. Bara vinna.

Vonast þó til að hafa einhvern lausan tíma, enda er Barcelona æðisleg borg. Pottþétt ein af mínum uppáhaldsborgum. Hef reyndar bara komið einu sinni þangað en í það skipti eyddi ég tveim heilum vikum þar þegar fyrrverandi kærasta mín var au-pair í borginni. Það eina sem skemmdi fyrir borginni þar var að það var ógeðslega mikið af fólki alls staðar. Hef aldrei kynnst öðrum eins troðningi á öllum opinberum stöðum. Ekki í London, New York eða Moskvu. Hvergi er þetta jafn slæmt og yfir high-season í Barcelona.

Ok, til að koma þér í stuð á miðvikudegi mæli ég með eftirfarandi.

1. Hlauptu útí búð og kauptu þér diskinn með Franz Ferdinand.
2. Settu á lag 3, Take Me Out
3. Ef þú ert ekki hoppandi þegar akkúrat 1 mínúta er liðin af laginu, þá er ég hissa. Franz Ferdinand eru þvílíkt snilldarband!!

Ok, 90 mín í Liverpool leik. Ég er farinn á Players.

Ja hérna: Arab Big Brother show suspended

Ætli þetta þýði að það verði ekki arabísk útgáfa af Paradise Hotel?

Einnig: Frábær leiðari í The Economist: The case for gay marriage

Hvað í andskotanum hef ég gert til að reita til reiði "Guð Harðra Diska"?

Það er rúmlega ár síðan að harði diskurinn minn eyðilagðist. Þá tapaði ég margra ára gögnum, allt frá ástarbréfum til háskólaritgerða.

Svo núna áðan var ég að fá þær fréttir frá Apple IMC að tónlistardiskurinn minn væri ónýtur. 111 GB af tónlist, 1250 Geisladiskar, 17.000 lög eru horfin. Ég veit eiginlega ekki hvort ég á að gráta eða brjálast.

Ég skil líka ekki ástæðurnar. Ég var ekkert að gera. Diskurinn ákvað bara að deyja inní tölvunni minni. Einn daginn birtist hann ekki á skjáborðinu og síðan hef ég ekki getað náð í neitt af tónlistinni minni.

Ég var búinn að eyða fáránlega miklum tíma í að setja alla geisladiskana mína inná tölvuna, laga öll skáarnöfn til, setja inn plötuumslögin og svo framvegis. Núna er öll sú vinna farin. Ég átti ekki backup af þessu enda fáránlega dýrt að eiga backup af svona gríðarlegu magni af gögnum. Eina góða er að 30Gb af þessari tónlist eru inná iPodinum og svo eru tveir vinir mínir nýbúnir að fá eitthvað af tónlistinni.

Þetta er ekki góður dagur!

Uppfært: Af einhverjum óskiljanlegum ástæðum þá hreinsaði iTunes allt útaf iPodinum um leið og ég stakk honum í samband. Ég held að ég fari bara að sofa, þetta er greinilega ekki minn dagur.