vildi íslandshreyfingin ekki sækja strax um aðild. þannig að samfylkingin er ekki ein

Jú, enda er stefnuskrá þess framboðs nánast einsog ljósrit af stefnuskrá Samfylkingarinnar.

Vel mælt Einar. Þó að ég sé nú ekki mikill evrópusinni þá er Samfylkingin eini flokkurinn með vitræna stefnu varðandi ESB.

Sem betur fer þá liggur ekkert á í þessum efnum. Það mun jú taka mörg ár fyrir okkur að verða tæk inn í ESB. “Þökk” sé arfaslakri efnahagsstjórn ríkisstjórnarinnar.

Mig langar að vita kostina og gallana við að ganga í ESB, ég bara veit nefnilega ekki nógu mikið um þetta allt til að mynda mér skoðun.

Málið, Kata, er að við vitum ekki nákvæmlega kostina og gallana fyrr en við sækjum um aðild.

Og Gulli, við getum vel farið inní ESB strax - þessi mál sem þú talar um fjalla aðallega um evru aðild.

ég myndi nú telja að við búum við réttarríki og lýðræði þegar við kjósum okkur fulltrúa á þing.

Væri nú skrautlegt ef við tækjum hafnafjörðin á þetta í hvert einasta mál og þyrftum að kjósa um allar ákvarðanir stjórnvalda. (mér finnst að vísu gott og gilt að hafnfirðingar nýttu neitunarvaldið með álverið.. en það er önnur saga)

Síðan hefur verið að störfum nefnd um evrópumál sem deildarforseti minn sem er meistari Bryndís Hlö hefur setið í og skilaði nefndin af sér skýrslu núna 13 mars sem ég er að fara að stúdera núna í fyrstu vorlotu meðal annars. http://forsaetisraduneyti.is/utgefid-efni/nr/2558

ég tel alls ekki rétta lausn að láta þjóðina kjósa um svona málefni án þess að tékka á kóng né prest. Svo ég vitni í hana kötu hér að ofan; “ég bara veit nefnilega ekki nógu mikið um þetta allt til að mynda mér skoðun.”

Ég veit ekki næstum nóg um þetta mál en ég veit að hinn almenni borgari (ég og kata) verður ekkert frekar upplýstur með aðildarviðræðum.

Ef hlutirnir væru svona einfaldir væri ég eflaust gift honum björgúlfi.

Ég er alveg sammála þér Einar, fyrir utan það að fyrir mitt leyti eigum við ekki að fara í þessar viðræður uppá ganni, það á ekki að fara í þær nema við ætlum okkur þangað inn, en þetta er tómt mál að tala um, vegna þess að stjórnarskráin okkar bannar þessa aðild. Áður en það er hægt að fara að hugsa um aðild þarf að laga þennann danska snepil sem er stjórnarskráin okkar.

Sem almennur neytandi þá er ég fylgjandi því að vera í ESB, þar sem að tollar myndu þá falla niður.

Hins vegar er sjávarútvegurinn náttúrulega helsti gallinn á inngöngu Íslands í ESB. Vísa í eldgamla grein hérna [skip.is] þar sem segir m.a.:

„Aðild að ESB hefði í för með sér að við misstum forræðið yfir sjávarauðlindinni sem er mikilvægasta auðlind okkar. Útflutningsverðmæti sjávarafurða nemur yfir 60% af verðmæti vöruútflutnings landsmanna.”

Þarna yrðum við eflaust af talsverðum tekjum, ef við afsölum yfirráðum yfir stjórn fiskveiða á miðum okkar. Þetta er nokkuð sem að margar aðildarþjóðir ESB þurftu ekki að hafa áhyggjur af áður en þær gerðust aðildarþjóð ESB.

En kostirnir eru auðvitað margir, áðurnefndir tollar, fjárls innflutningur á landbúnaðarvörum (sem myndi eflaust koma niður á bændum, en reynast neytendum ágætlega).

Svo er þráður hérna [malefnin.com] sem fer aðeins yfir kostina og gallana. Þessi þráður skýrir þetta alls ekki, en fyrir þá sem vita nákvæmlega ekkert um þetta ESB rifrildi þá gæti verið ágætt að kíkja á þetta.

Væri nú skrautlegt ef við tækjum hafnafjörðin á þetta í hvert einasta mál og þyrftum að kjósa um allar ákvarðanir stjórnvalda. (mér finnst að vísu gott og gilt að hafnfirðingar nýttu neitunarvaldið með álverið.. en það er önnur saga)

Mér finnst alveg magnað, Maja hvað mörg af flokksistkynum þínum í Sjálfstæðisflokknum hafa litla trú á einstaklningum, því þeir treysta honum ekki til að kjósa um mikilvæg málefni.

Málið er bara að ESB aðild klýfur allar flokkslínur. Ég þekki fullt, FULLT af Sjálfstæðismönnum sem vilja ESB aðild, en geta lítið gert þar sem að Davíð ákvað í einhverju kasti að ESB aðild væri bara fyrir geðveika. Þetta er einfaldlega of stórt mál til að láta það ráðast af flokkslínum.

Ég veit ekki næstum nóg um þetta mál en ég veit að hinn almenni borgari (ég og kata) verður ekkert frekar upplýstur með aðildarviðræðum.

Jú víst! Heldurðu að Hafnfirðingar viti ekki miklu, miklu meira um álverið eftir að þeir tóku þátt í kosningunum? Það er fráleitt að halda því fram að fólk í Svíþjóð, Finnlandi og Noregi hafi ekkert vitað um ESB þegar það ákvað aðildina. Er almenningur í þessum þjóðum eitthvað gáfaðari en Íslendingar? Af hverju getum við ekki líka tekið ákvarðanir í þjóðaratkvæðagreiðslum?

eigum við ekki að fara í þessar viðræður uppá ganni,

27 Evrópuþjóðir telja hag sínum best borgið innan ESB, þar á meðal Danmörk, Svíþjþóð og Finnland. Mér finnst það gefa það sterklega til kynna að það sé bara nokkuð gott að vera í ESB og því eigum við að láta á það reyna.

vegna þess að stjórnarskráin okkar bannar þessa aðild

Þá breytum við henni líkt og aðrar þjóðir hafa gert.

„Aðild að ESB hefði í för með sér að við misstum forræðið yfir sjávarauðlindinni sem er mikilvægasta auðlind okkar.

Þarna gefur þú þér ákveðnar forsendur, sem er einmitt það sem ég var að kvarta yfir í pistlinum. Við vitum ekki hvernig fer með stjórn sjávarútvegsmála fyrr en við sækjum um aðild.

Sæll Einar,

verð að segja að ég er hjartanlega sammála þér. Er komin með leið á þessu þrasi um að við munum þá ekki lengur fá að ráða yfir sjávarútveginum okkar og það sé talað um þetta eins og að við séum að gefa allt frá okkur. Ég gerði nú einu sinni verkefni um ef að aðlid yrði hvort að það myndi hafa áhrif á landbúnað og svarið var hreint nei að það myndi ekki hafa áhrif þannig séð því að við myndum líkt og Finnland og Svíþjóð fá fram samninga sökum sértæks landbúnaðar, þetta held ég að myndi líka ganga í gegn með sjávarútveginn. Þurfum að vera víðsýnari og skoða kosti og galla og svo að sjálfsögðu leyfa þjóðinni að tjá sig um þessi mál en ekki nokkra aðila á þingi…

Einar. Það sem ég er að tala um er að við erum að kjósa fólk á þing af vissri ástæðu. Við erum að kjósa einstaklinga sem við treystum til að stjórna landinu og taka ákvarðanir fyrir okkar hönd.

Ekki tala um flokksystkini á þessu stigi máls þar sem ég er, vegna atburða síðasta árs, ekki svo viss um stöðu mína innan stjórnmála.

Ef samfylkingin er eina landið sem vill esb viðræður, gott og vel, alþingis kosningar eru á næsta leiti. Er þá ekki gefið mál að þeir (samfylkingin) eigi eftir að tróna á toppi ísjakans (?) … Þjóðin hlýtur að taka tillit til þess ef viljinn fyrir esb er þar.

Nefndin sem ég benti á í síðasta komennti var sett á laggirnar af engum öðrum en dabba kallinum þannig að þótt Eiríkur Bergmann og fleiri áróðursmenn telja Davíð Oddson hafa farið í fílu og þessvegna hafnað esb aðild … þá er ég ekki að kaupa það.

Ég myndi nú vilja áður en við förum að ganga í esb laga stjórnarskránna á margan annan hátt heldur en að opna landið fyrir lögum sem ísland hefur takmarkuð völd yfir. But thats just me.

Ef samfylkingin er eina landið sem vill esb viðræður, gott og vel, alþingis kosningar eru á næsta leiti. Er þá ekki gefið mál að þeir (samfylkingin) eigi eftir að tróna á toppi ísjakans (?) … Þjóðin hlýtur að taka tillit til þess ef viljinn fyrir esb er þar.

Nei, það er einfaldlega fullt af fólki sem vill hægri stefnu en LÍKA aðild að ESB. Pointið, sem virðist ekki vera að ná í gegn, er að þetta snýst ekki um flokkslínur. Harðir íhaldsmenn fara ekki að kjósa Samfylkinguna útaf ESB málum af því að þeir eru ósammála flokknum í svo mörgum öðrum málum. Þetta á ekki að vera flokkspólitískt.

Svo má líka benda á að í öðrum löndum er fólki líka borgað fyrir að sitja á þingi, en þar var samt sótt um ESB aðild og málið lagt í dóm kjósenda. Þú hefur ekki enn fært rök fyrir því af hverju við ættum ekki að gera það - fyrir utan þau rök að fólk sé of vitlaust til að ákveða þetta sjálft.

Ég myndi nú vilja áður en við förum að ganga í esb laga stjórnarskránna á margan annan hátt heldur en að opna landið fyrir lögum sem ísland hefur takmarkuð völd yfir. But thats just me.

Það er búið að gerast með EES. Breytingin við ESB er að við getum þá haft áhrif. Plús það að mörg þessara laga frá ESB gera það að verkum að við loksins drullumst til að gera eitthvað í þjóðþrifamálum sbr. þetta mál hér.

Annars ánægjulegt að þú sért ekki lengur í Sjálfstæðisflokknum. Sá flokkur er hvort eð er alltof stór.

Sammála þér Einar, Flokkurinn á hana maju ekki skilið.

Ég held samt að þú hafir aðeins verið að misskilja mína meiningu, ég er á því að esb aðild íslands sé eitthvað sem er nánast óumflýjanlegt og ég er alveg viss um að við verðum komin þangað innan fárra ára. Sennilega verður þetta atriði orðið mjög heitt í umræðunni fyrir þarnæstu kosningar, en það er hinsvegar þannig frá mínum bæjardyrum séð að það ætti að fara í aðildarviðræður nema við ætlum okkur þar inn, og þangað til stjórnarskráin okkar leyfir þetta fullveldisafsal þá er tómt mál að ræða þetta, fyrst þarf að breyta stjórnarskránni þannig að þetta sé leyfilegt, það þarf svolítið mikið að gerast til það fáist í gegn, tvö þing, eða aukinn meirihluta, man ekki alveg hvort aukinn meirihluti á þingi sé nóg þannig að það þurfi ekki að fara í gegnum tvö þing. Það þarf fyrir mína parta að ræða þetta og framkvæma í réttri röð.

Ég vill nú ekki meina að fólk sé of vitlaust til að ákveða þetta sjálft.

Alls ekki, en fólk er almennt ekkert að koma heim úr vinnunni og lesa sér til um esb á internetinu á kvöldin. Það eru kostir og gallar við esb eins og allt annað.

EES var auðvitað lögfestur 94 og mannréttindakafli stjórnarskráarinnar var stórbættur en það er nú meira en að segja það að gera breytingar á þessum lagabálki okkar, ég man ekki hversu lengi nefndin um innleiðingu ees stóð í stórræðum .. en það var ekkert smotterí. En þessar innri breytingar sem ég var að tala um hafa ekkert með stjórnvaldið sem slíkt að gera, heldur er ég að tala um atriði eins og trúarkirkju okkar íslendinga. Trúfrelsi my arse þegar börn eru skikkuð til kristnifræðis í barnaskóla.

Ég er bara á því að þjóðin á ekki að kjósa um þetta, látum fólkið sem við kjósum sjá um að þetta verði gert með réttum hætti og að allar hliðar verði skoðaðar ofaní kjölfið..

því eins og segir í auglýsingunni; once you pop, you can´t stop.

Á að vera að gera missó … þannig að ég byðst afsökunar ef þetta er eitthver leðja.. varð að koma öllum pælingunum niður áður en ég þarf að byrja aftur.

Ég gef nú bara séð víða að sjávarútvegurinn bíði hnekki við inngöngu Íslands í ESB. Ingibjörg Sólrún sagði eitt sinn (minnir á fundi hjá LÍÚ) að fólk sem starfaði við sjávarútveg væri búið að minnka úr 16.000 niður í 10.000. Ef af ESB aðild yrði, og Ísland myndi ekki fá undanþágu út af sjávarútvegsmálum (sem þeir fá víst alls ekki, því þá geta önnur lönd gert svipaðar kröfur), þá myndu útlendingar eflaust koma að veiða talsvert í fiskmiðum okkar, og jafnframt kaupa af okkur minni fisk, sem myndi þýða að þessi 10.000 sem vinna við sjávarútveg yrðu kannski 6000 eftir fáein ár. Þar eru 4000 störf farin.

Mér gæti náttúrulega ekki verið meira sama um þessi sjávarútvegsmál persónulega, en svo virðist sem helstu umræður myndu stranda á þessu.

Það að fólk vilji ekki fara í umræðurnar er vissulega fáránlegt, og auðvitað þarf þær ef skoða á ESB aðild, því almenningur veit jafnaði ekkert um ESB og hvað aðild að ESB gerir fyrir okkur.

Einhver sagði einhverntíman að þetta með sjávarútveg þyrfti ekki að vera vandamál í sjálfur sér, (minnir að það hafi verið Össur) að stofnarnir við landið væru ekki flökkustofnar, staðbundin auðlind, og um þá gilti sama regla og um skógana í svíþjóð eða gasið í englandi, önnur aðildarlönd ættu ekki kröfu í þessar auðlindir. Síld, loðna og Kolmunni hér undanskilin þar sem að þessir stofnar eru flökkustofnar en um þá hefur verið samið í gegnum tíðina og um þá verður samið í framtíðinni. Eins má benda á að úthlutun á veiðiheimildum er byggð á aflareynslu 10-15 ára og við getum farið alveg aftur til ‘74 og það er enn mest megnis íslensk veiðireynsla við ísland. Ákvörðunin um kvóta, ef fiskistofnar hér vil land eru ekki staðbundnir er vissulega hjá esb en byggð á mati íslenskra sérfræðinga, ergo kvóta stærð ætti að vera svipuð. Halldór þér á ekki að vera sama um sjávarútvegsmál svona einfaldlega vegna þess að þaðan koma miklar gjaldeyristekjur fyrir ísland, og á einhvern hátt þarf að borga fyrir alla bílana, flatskjáina, tölvurnar og neysluvörurnar sem við njótum hér dagsdaglega.

Ég tók svona til orða, auðvitað er manni ekki sama um þetta því landið fær talsverðar tekjur af sjávarútvegi, iðrast orða minna núna. Ég vil nú samt meina að fiskimálin okkar séu öðruvísi heldur en gasið í Englandi eða skógarnir í Svíþjóð.

En með inngöngu í ESB myndi verð á vörum sem þú nefndir væntanlega minnka, þar sem að tollar yrðu jú afnumdir, gerir innflutning á téðum vörum auðveldari, og setur pressu á kaupmenn til að vera ekki að okra á landanum. Þar með yrði auðveldara að kaupa Medion tölvurnar, Renault bílana og Philips sjónvörpin

Það er alveg hárrétt Halldór, við erum greinilega sammála, en þetta með fiskinn okkar, þá var ég að vitna í Össur, eða Halldór Ásgrímsson, man bara ekki hvor þeirra talaði um þetta. En samkvæmt því sem þar var sagt, þá þarf bara að sanna að fiskistofnarnir okkar séu staðbundnir og þá gildi aðrar reglur en um aðra fiskistofna við strendur Evrópu. Ég mun seint telja sjálfann mig einhvern sérfræðing hvorki í ESB aðild eða einhverju öðru, ég segi bara eins og mér finnst. Síðan verða aðrir að meta það hvort það sé eitthvað bull eða ekki. Hef oft verið staðinn að því að hafa rangt fyrir mér. Bestu kveðjur. Elmar